1. "მანჩესტერ იუნაიტედმა" "ვესტ ჰემის" ნაკლოვანებები ვერ გამოიყენა

მიუხედავად სტუმრების სწრაფი გოლისა, მატჩის საერთო სცენარი მეტ-ნაკლებად ამოცნობილი იყო: "იუნაიტედს" პოზიციური შეტევის ხარჯზე მოუწევდა "ვესტ ჰემის" შუა ბლოკის გატეხვა. "იუნაიტედის" პრობლემები ასეთი 5-4-1 დაცვითი სქემით მოთამაშე გუნდების წინააღმდეგ ყველასთვის ცნობილია, მაგრამ დღესაც უნდა აღინიშნოს. სტუმრები საკმაოდ სერიოზულ ზონებს ტოვებბდნენ ხაზებს შორის, მაგრამ "ეშმაკები", რომელთაც შემადგენლობაში ჭკვიანურად გახსნის მცოდნე მატა, ლინგარდი და ზლატანი ჰყავთ, ამით სარგებლობას ვერ ახერხებდნენ. ყველა მწვრთნელს აქვს ღირსება და ნაკლოვანება, მაგრამ ჟოზეს ამ მინუსზე ყურადღების მუდმივმა გამახვილებამ, ყურები გამოგვიჭედა. მოურინიოს ფეხბურთელები ხშირად ერთ მონაკვეთზე იკრიბებიან და მნიშვნელოვანი ზონების ამოვსებას არ ცდილობენ. გარდა ამისა, როგორც ეს ხშირად ხდება ხოლმე, მსგავსმა პრობლემამ ფლანგების აქტიურად გამოყენების ვალდებულება გააჩინა, რაც სამი ცენტრალური მცველით (და თავისთავად საუკეთესო დაზღვევით) დაკომპლექტებული დაცვის ხაზის წინააღმდეგობისას ნაკლებად პერსპექტიულია რეშფორდისა და ვალენსიასთვის.

"იუნაიტედის" შეტევების ზონა

2. ... და კიდევ ერთი ...

"ვესტ ჰემი" სტატიკურად საკმაოდ კომპაქტურად და ორგანიზებულად იცავდა თავს, მაგრამ როგორც კი მათი დაცვითი წესრიგი მოძრაობდა, მთელი სტრუქტურა იშლებოდა. პირველ ტაიმში "იუნაიტედმა" თავისი ყველა მომენტი სწორედ სიღრმიდან გაკეთებული გრძელი ვერტიკალური გადაცემებით შექმნა, თუმცა საერთო ჯამში შორეულ პასს (მათ შორის დიაგონალურსაც) არც ისე ხშირად სდევნიდნენ. შესვენებაზე საჭირო იყო უფრო კარგად გახსნის უნარის მქონე და მობილური მხითარიანის გამოყვანა, ამასთან ერთად კი, წინ და დიაგონალზე უფრო აქტიური გადაცემების გაკეთება. შეხვედრის მეორე ნახევრის საწყის წუთებში "იუნაიტედმა" რამდენიმე ასეთი შეტევის წამოწყება სცადა, მაგრამ მსგავსი მოქმედებების სიხშირემ მალე იკლო.



3. ... და კიდევ ერთი

"იუნაიტედმა" ვერ გამოიყენა მოწინააღმდეგის კიდევ ერთი სისუსტე, რომელიც პირველი ორი ფუქნტიდან გამომდინარეობს, კერძოდ კი - მეორე ტემპში პრაქტიკულად არ აკეთებდა პასს (რაც გასაკვირია, თუ იმას გავითვალისწინებთ, რომ წინა ტურში "იუნაიტედმა" სწორედ ამის ხარჯზე გაიტანა გოლი და ჩემპიონატის დასაწყისში თავადაც დიდ პრობლემებს განიცდიდა თავდაცვის დროს).



დააკვირდით, რამდენად ცოტა პასს აკეთებდნენ "იუნაიტედის" ფეხბურთელები მეორე ტემპის დროს დასარტყმელ პოზიციაზე. რატომ არ გამოიყენეს "ეშმაკებმა" მოწინააღმდეგის ეს ნაკლი? მიზეზი პირველ პუნქტშია - საჭირო ზონების არახარისხიანი შევსება.
4. ლინგარდი მატას დუბლირებდა

ლინგარდის როლი (შეიძლება თავად მის გამო) ბოლომდე ცხადი არ არის: ადრე, მსგავსი შემადგენლობისა და სქემის დროს შეტევის გამწვავებაზე იდგა და მცველების ზურგს უკან იხსნებოდა, როცა ზლატანის მიერ მიტოვებულ ზონას იკავებდა და დაცვაზე ზეწოლას ახდენდა, მაგრამ ამ მატჩში ის უფრო მატას ბაძავდა, როცა "ათიანის" პოზიციიდან ფლანგზე იწევდა. რადგანაც არც ჯესი ბრწყინავდა პირველ ტაიმში და არც მატა, ხოლო მხითარიანის შეცვლა თითქოსდა აუცილებელი იყოო, ამ წყვილიდან ერთ-ერთის გაყვანა მოედნიდან ლოგიკურად მოჩანდა.





5. მოურინიოს კიდევ ერთი მიზეზი ფიქრისთვის

ჩემპიონატის დასაწყისში "იუნაიტედს" დაცვიდან პასის ხარჯზე ამოსვლა უჭირდა, საყრდენ ზონაში უკმარისობები ჰქონდა და ასე შემდეგ, მაგრამ გარკვეული პერიოდის შემდეგ მაინც აღვნიშნეთ შეცდომების გამოსწორება. მანჩესტერელები უკვე ქმნიან მომენტებს და "უიღბლო გუნდის" სტატუსის ქონის საფუძველი აქვთ, მაგრამ ეს არ ნიშნავს, რომ პრობლემები გადალახულია და აღარაფერია გამოსასწორებელი.



მოურინიოს კვლავ შეუძლია ფორტუნისკენ გაიშვიროს თითი, მაგრამ სიტუაცია მოედანზე პოგბას გამწესებისა, რომელიც "არსენალთან" მატჩის შემდეგ კერიკი-ერერა-პოგბას ტრიოს გამოყენების სურვილს ტოვებს და რომელიც გადაწყვეტილი ჩანდა, კვლავ ჩაფლავდა. ცენტრალური ნახევარმცველის პოზიციაზე პოლი კვლავ უარესად გამოიყურებოდა, მეორე ტაიმში კი საერთოდ ამოვარდა თამაშიდან - ცრუ მოძრაობებით გაერთო, ყოველთვის ვერ უჭერდა მხარს შეტევას, თამაშს გრძელი გადაცემებით არ წარმართავდა. რეალიზაცია მწვრთნელის მიერ კონტროლირებადი არ არის, ამიტომაც ჟოზემ იმას უნდა მიაქციოს ყურადღება, რაც მართლაც მასზეა დამოკიდებული.