ანდერ ერერამ განაცხადა, რომ ბედნიერია მიმდინარე სეზონში მის მიერ მიღწეული პროგრესით და "მანჩესტერ იუნაიტედის" ძირითადი შემადგენლობის წევრად ქცევით, თუმცა იქვე აღნიშნა, რომ ყოველთვის უფრო მეტისთვის იბრძვის.

"მანჩესტერ იუნაიტედის" ოფიციალურ ჟურნალთან ინტერვიუში ესპანელმა ნახევარმცველმა თავისი თამაში მიმოიხილა, რომლის წყალობითაც მან ესპანეთის ნაკრებში სადებიუტო მატჩი ჩაატარა. ანდერის თქმით, საკლუბო და სანაკრებო მიღწევები მისთვის ყოველთვის უფრო მნიშვნელოვანი იქნება, ვიდრე პირადი შედეგი.

"მე გუნდური მოთამაშე ვარ. ჩემს თავზე არასდროს ვფიქრობ, მხოლოდ გუნდზე. რა თქმა უნდა, თამაშის შანსს ვიღებ და ამის გამო ბედნიერი ვარ, მაგრამ ერთ დღეს რომ არ ვითამაშო და გუნდმა მოიგოს, მაინც ბედნიერი ვიქნები. გუნდური მოთამაშე ვარ და ყოველთვის ასე იქნება.

ხანდახან დაცვით ფეხბურთს ვთამაშობ, ხანდახან წინაც მივიწევ. ვფიქრობ, ჩემთვისვეა კარგი, რომ მწვრთნელს და გუნდს სხვადასხვა არჩევანს ვთამაზობ. ჩემი განვითარებით ბედნიერი ვარ, მაგრამ ფეხბურთი მოგონებებს არ ინახავს, ამიტომ ყოველ კვირაში და ყოველ მატჩში უნდა აჩვენო კარგი თამაში".

წყარო: manutd.com