"მანჩესტერ იუნაიტედის" მთავარმა მწვრთნელმა ჟოზე მოურინიომ მიანიშნა, რომ "ფეიენოორდთან" ჩატარებული კარგი მატჩის შემდეგ, გუნდის სასტარტო შემადგენლობაში ჰენრიხ მხითარიანის გამოჩენა კვლავ შესაძლებელია.

სომეხმა ფეხბურთელმა ევროპის ლიგის მატჩში საუკეთესო ფეხბურთელის წოდება დაიმსახურა, მიუხედავად იმისა, რომ ეს სულ მეორე მატჩი იყო მისთვის სასტარტო შემადგენლობაში.

დორტმუნდის "ბორუსიას" ყოფილმა ფეხბურთელმა შეხვედრის შემდეგ ახალი ეტაპის დასაწყისის იმედი გამოთქვა. თავად მოურინიომ კი 27 წლის ფეხბურთელს ოპტიმისტური შეტყობინება გაუგზავნა.

"ახლა მხოლოდ ისღა დარჩენია, ასევე ითამაშოს პრემიერ ლიგაში. პრემიერ ლიგა განსხვავებულია - კიდევ ერთი ნაბიჯი უნდა გადადგას. თვითრწმენის დონე უფრო აიმაღლებს.

ასეთი თამაშის შემდეგ უფლება აქვს სჯეროდეს, რომ მომდევნო მატჩშიც ითამაშებს, მან კი პრემიერ ლიგაში უფრო მეტი ფიზიკურობითა და აგრესიით უნდა ითამაშოს.

ვიცოდით ვისაც ვყიდულობდით, ვიცოდით, რომ მაღალი დონის ტექნიკური შესაძლებლობების ფეხბურთელი მოგვყავდა. ძალიან ჭკვიანი და გონებამახვილია, თამაშს კარგად კითხულობს, რაც წაადგება", - განაცხადა მოურინიომ.

წყარო: manutd.com