ევროპის ლიგის მე-5 ტურის შეხვედრაში "იუნაიტედმა" "ფეიენოორდი" მიიღო და 4-0 გაანადგურა მეტოქე. როგორც მოსალოდნელი იყო, შეხვედრა მასპინძელთა უპირატესობით დაიწყო, რასაც პირველივე წუთებზე შექმნილი სახიფათო მომენტები მოჰყვა.
პირველი გოლი 36-ე წუთზე გავიდა, იბრაჰიმოვიჩის გადაცემით უეინ რუნიმ ისარგებლა და თავისი 39-ე გოლი გაიტანა უეფას ეგიდით ჩატარებულ შეხვედრებში. 69-ე წუთზე მანჩესტერელთა კაპიტანმა ხუან მატას გაატანინა. 76-ე წუთზე იბრაჰიმოვიჩის აქტიურობას ჯონსის ავტოგოლი მოჰყვა და სხვაობა 3-მდე გაიზარდა. თავისი გოლი შეცვლაზე შემოსულმა ლინგარდმაც გაიტანა, რომელმაც შეხვედრის საბოლოო წერტილი დასვა.
მოურინიოს გუნდი ბოლო ტურში "ზარიას" შეხვდება. "წითელ ეშმაკებს" შემდეგ ეტაპზე გასასვლელად ფრეც აძლევთ ხელს.