ზლატან იბრაჰიმოვიჩის თქმით, მას გასულ წელსაც შეეძლო "მანჩესტერ იუნაიტედში" გადასვლა, მაგრამ ლუი ვან გაალის გუნდი უარით გაისტუმრა.

უფასოდ გადაბირებული იბრაჰიმოვიჩი ერთ-ერთია იმ ოთხ ფეხბურთელს შორის, რომლებიც მიმდინარე წლის ზაფხულში "ოლდ ტრაფორდზე" გადავიდნენ სათამაშოდ.

გუშინ მოურინიომ დაადასტურა, რომ "იუნაიტედი" კიდევ ერთი წლით აპირებს შვედი ფორვარდის შენარჩუნებას, თავად ფეხბურთელი კი ამის წინააღმდეგი არ არის.

"აქ ერთი წლით ადრეც შემეძლო მოსვლა, მაგრამ პსჟ-ში დავრჩი. ვერ ვიგრძენი, რომ შესაფერისი მომენტი იყო და ამას არ ვნანობ.

"იუნაიტედში" 35 წლის ასაკში გადმოვედი. შემეძლო სახლში ვმჯდარიყავი და ბედნიერებით დავმტკბარიყავი, მაგრამ არა, მე მარტო ვიმოგზაურებ და სადაც წავალ, ყველაფერს დავიპყრობ.

გამოწვევას არასდროს ვაქცევ ზურგს. ბევრი ფეხბურთელი ერთ ადგილზე ჩერდება და დედას ელოდება, როდის მოუმზადებს საჭმელს. მეც შემეძლო "მალმიოში" დარჩენა და კომფორტში ყოფნა.

მე ვიპოვე კლუბი, რომელიც იმავე დონეზეა, რომელზეც ყველა ის კლუბი იყო, სადაც ვთამაშობდი - "ბარსელონა", "მილანი".

წყარო: goal.com