ჟოზე მოურინიოს პრესკონფერენცია "ფეიენოორდთან" მატჩის წინ.
"მანჩესტერ იუნაიტედის" მთავარმა მწვრთნელმა ევროპის ლიგის ეგიდით "ფეიენოორდთან" დაპირისპირების წინ პრესკონფერენცია გამართა, სადაც მნიშვნელოვან საკითხებზე ისაუბრა.
"იუნაიტედის" სათამაშო ფორმის შესახებ"შედეგები არ არასაკმარისად კარგია, განსაკუთრებით თამაშის ფონზე. მაგალითისთვის, "არსენალთან" ფრე ნორმალური შედეგია, დრამატული არაფერია. მაგრამ ძალიან კარგად თამაშობ, სრულად დომინირებ და მერე შედეგი ცუდი გამოდის კარგი თამაშის გამო, ასე იყო განსაკუთრებით ბოლო სამ საშინაო მატჩში - "სტოკი", "ბარნლი" და "არსენალი".
შეიცვალა მიდგომა "ფეიენოორდთან" ბოლო შეხვედრის შემდეგ?"ოთხი ქულა გვჭირდება. წაგების უფლება არ გვაქვს, ასე რომ, ხვალ იქნება მატჩი, რომელშიც ორი გამოსავალია. დიახ, ამ მატჩს ამის ცოდნის ფონზე ვხვდებით. გადამწყვეტი თამაშია".
მოურინიო თავისი კონტრაქტის შესახებ საუბრობს"სამწლიანი კონტრაქტი, რომელიც მივიღე, სამართლიანი პერიოდია იმისთვის, რომ არ ვიყოთ იქ, სად ყოფნაც არ გვინდა. სამი წელი მხოლოდ სატრანსფერო ფანჯარას არ მოხმარდება, არამედ ფეხბურთელებთან ჩემს ურთიერთობას და ურთიერთგაგებას, ჩემს პიროვნებას, როგორც მწვრთნელისას, ჩემს სტაბილურობას, ამ ყველაფრისთვის ეს საკმარისი პერიოდია.
მაგრამ თუ იმას მკითხავთ, ჩემს მესამე წელს ველი თუ არა კარგი შედეგისთვის, "არას" გიპასუხებთ. ჩემს პირველივე სეზონში ვეცდები კარგი შედეგის მიღწევას".
გულშემატკივრები მოურინიოს აოცებენ"რამდენიმეჯერ დავაღალატეთ მართლაც ცუდი თამაშით, მაგრამ არასდროს გვიღალატია თავდადებით, ენთუზიაზმით, ფენომენალური შედეგები არ გვაქვს, მაგრამ ნათლად მესმის, რის მიღწევას ცდილობს გუნდი. არა მგონია, ცუდი თამაშით გქონდეს ნათელი მომავალი, ნათელ მომავალს კარგი თამაში იძლევა.
გუნდი ბედნიერია ჩვენი თამაშით, სტრუქტურით, დინამიკით და საფეხბურთო პრინციპებით."
"იუნაიტედში" მუშაობა ისეთი რთულია, როგორსაც მოურინიო ელოდა"ეს სამუშაო ისეთი რთულია, როგორსაც ველოდი. როცა ვამბობდი, პრემიერ ლიგის მოგება წელსვე მინდა-მეთქი, რისკს ვაცნობიერებდი. მაგრამ კვლავაც, ბოლო სამ საშინაო მატჩზე რომ ვფიქრდები, ვერაფრით გამიგია, როგორ ვერ გავიმარჯვეთ. ამ ექვსი ქულით ახლა ოთხეულში ყოფნა შეგვეძლო, პირველ და მეორე ადგილთან ძალიან ახლოს, ასე რომ, რთულად მისაღები აქ ასე კარგად თამაში და ამ სამი მატჩის ვერ მოგებაა".
ტრანსფერების შესახებ დასმულმა შეკითხვამ მოურინიო გააცინა"თქვენ მხოლოდ ინტერვიუს გაძლევთ! ყოველ კვირაში რაღაცის დამტკიცება გვიხდება და ასევე არიან ფეხბურთელებიც. არც იმის თქმაა საკმარისი, რა მოხდა იქ და რა მოხდა აქ რამდენიმე წლის წინ, წინა კვირას კარგად ვერ ითამაშე, მომდევნოში ითამაშებ, ფეხბურთელებმა განსაკუთრებულად უნდა ითამაშონ და უკეთესად იმოქმედონ, თუმცა ეს ნორმალურია."
ეცდება "იუნაიტედი" მესის შეძენას?"მესის შესახებ ყოველ წელს ერთსა და იმავეს ამბობენ, ყოველ წელს მიდისო, მაგრამ არასდროს მიდის და სიმართლე გითხრათ, იმედიც კი მაქვს, რომ არსად წავა, რადგან "ბარსელონასთვისაა" შექმნილი."
მოურინიო სამწლიან კონტრაქტზე"მოდით, ნაბიჯ-ნაბიჯ მივყვეთ. ჩემი კონტრაქტის დასაწყისში ვარ, პროცესის დასაწყისში, ასე რომ, ნაბიჯ-ნაბიჯ მივყვეთ. მინდა თუ არა სამ წელზე მეტ ხანს დავრჩე? დიახ, მინდა. ამას სიამოვნებით გავაკეთებდი."
ეთანხმება მოურინიო აზრს იმის შესახებ, რომ რუნის ჯერ საკუთარი თავი არ ამოუწურავს?"როცა თქვენი შეკითხვის დასაწყისს ვუსვმენდი, ვიფიქრე, რომ მეკითხებოდით, ქორწილში ან სადმე სხვაგან ყოფნა უარესი ხომ არ იქნებაო, უნდა გეკითხათ."
ამ სიტყვების შემდეგ მოურინიო წამოდგა და დარბაზი დატოვა.
წყარო:
M.E.N.