რაიან გიგზმა განაცხადა, რომ ნიკი ბატი მისი ასისტენტი იქნება, თუკი ოდესმე "მანჩესტერ იუნაიტედის" მთავარი მწვრთნელი გახდება.

42 წლის უელსესმა "ოლდ ტრაფორდი" ზაფხულში დატოვა და დამოუკიდებელი სამწვრთნელო საქმიანობის დაწყებას აპირებდა.

მან შეთავაზებებიც მიიღო "სუონსის", "უიგანისა" და "მკ დონსისგან", მაგრამ ყველა მათგანი უარით გაისტუმრა და საბოლოოდ სატელევიზიო ექსპერტი გახდა.

ბუნებრივია, გიგზის მთავარი მიზანი თავისი ყოფილი გუნდის გაწვრთნაა და ამბობს, რომ თუ ოდესმე ამას მიაღწევს, თანაშემწედ აუცილებლად ნიკი ბატს დაისვამს: "აკადემიის დირექტორია, ესე იგი, უკვე იქ არის. ბუნებრივი პროგრესია".



ბატი პოლ სქოულზთან და ფილ ნევილთან ერთად უკვე იყო გიგზის ასისტენტი, როცა ამ უკანასკნელმა დევიდ მოიესის გაძევების შემდეგ გუნდი დროებით ჩაიბარა.

წყარო: M.E.N.