"მანჩესტერ იუნაიტედის" 18-წლამდელთა გუნდმა წაუგებელი სერია, რომელიც სექტემბრიდან იღებს სათავეს, "ლივერპულთან" მატჩში გაახანგრძლივა.

კირენ მაკკენის გუნდმა "ლივერპულის" აკადემიის სტადიონზე გამართული შეხვედრის მე-13 წუთზე გახსნა ანგარიში, როცა კალუმ გრიბინმა გამოიჩინა თავი. თუმცა მერსეისაიდელებმა წონასწორობა მალევე აღადგინეს და ანგარიშში დაწინაურდნენ კიდეც.

შეხვედრა წითელი ბარათითა და პენალტებითაც გამოირჩა, რომელთაგან ორი "იუნაიტედის" კარში დაინიშნა, ხოლო ერთი "ლივერპულის". თუმცა, "იუნაიტედის" მეკარის, მუტა-სეპტაუის სასახელოდ უნდა ითქვას, რომ მან ორივე 11-მეტრიანი დარტყმა მოიგერია განსხვავებით თავისი ვიზავი კოლეგისგან, რომელსაც კალუმ გრიბინმა მესამე გოლი გაუტანა და მატჩის საბოლოო ანგარიში 3-3 დააფიქსირა. ამ დროისათვის "იუნაიტედი" უკვე კაცნაკლული თამაშობდა.



გუნდების შემადგენლობები:

"იუნაიტედი": მუტა-სებტაუი; ტენერი, ქენიონი, იუორენი, ო'კონორი; უელანი, ბუუნენი, ბუფონგი (ჰამილტონი 45’), გომესი; ბარკერტი (ჩონგი 52’), გრიბინი.

გამოუყენებელი ცვლილებები: დიუნი, ფოიტიჩეკი, ბოჰუი.

"ლივერპული": ეთერტონი; შერიფი, ოუენსი, პარკერი, ჯონსტონი; კოული, კამაჩო, მასტერსონი, მაკოლი; ბრიუსტერი, დანდა.

ცვლილებები: ედეკანი, ჯაანი, ლიუისი, ჰანტერი.