ჟოზე მოურინიომ გაბრაზებით უარყო კრის სმოლინგის ტრავმის შესახებ დასმულ შეკითხვაზე პასუხის გაცემა.

"ჩელსისთან" 4-0 დამარცხების შემდეგ სმოლინგს არცერთი მატჩი არ ჩაუტარებია, ამ პერიოდში კი მოურინიომ ის არაერთხელ გააკრიტიკა.

მაგალითად, "სუონსისთან" მატჩის შემდეგ პორტუგალიელმა განაცხადა, რომ სმოლინგს ტკივილის გამო თამაში არ უნდოდა და მწვრთნელმა მიდგომის შეცვლისკენ მოუწოდა. ამ კომენტარების შემდეგ Daily Mail-მა გამოაქვეყნა ინფორმაცია, რომელშიც ნათქვამი იყო, რომ ინგლისელმა მცველმა ფეხის თითის ტრავმა მიიღო და ამის გამო ოთხ კვირას გამოტოვებდა.

როცა მოურინიოს სმოლინგის შესახებ დასმულ შეკითხვაზე პასუხის გაცემა სთხოვეს, მან უპასუხა: "სმოლინგზე ვერაფერს მკითხავთ, ვერ მკითხავთ, რადგან თქვენ თქვენი წყაროები გაქვთ, თქვენს წყაროებს ენდობით, თქვენი წყაროსი გჯერათ, იმას წერთ, რასაც წყაროები გეტყვიან და ამას აკეთებდით 15 დღის განმავლობაში.

ახლა კი არ უნდა მთხოვდეთ თქვენი წყაროს ინფორმაციის შესახებ დასმულ შეკითხვაზე პასუხის გაცემას, ასე რომ, კრის სმოლინგზე არ ვაკეთებ კომენტარს, თქვენი სანდო ურთიერთობა გაქვთ თქვენს წყაროსთან, დაწერეთ, ილაპარაკეთ, კომენტარი გააკეთეთ, გააკრიტიკეთ, ჩემთვის სულერთია. სმოლინგზე სიტყვასაც არ ვიტყვი, ერთ სიტყვასაც არ ვიტყვი.

თქვენ თქვენი წყაროები გაქვთ. თქვენი წყაროს საფუძველზე ხმაურიან სათაურებს აკეთებთ, მე კი არ ვარ ამაზე კომენტარის გაკეთებით დაინტერესებული".

წყარო: M.E.N.