მიმდინარე კვირაში აგორებული სკანდალის საფუძველზე უეინ რუნი ინგლისის ნაკრების კაპიტნის სამკლაური შეიძლება დაკარგოს.

31 წლის ფეხბურთელმა უკვე მოიხადა ბოდიში იმის გამო, რომ საქორწილო წვეულებიდან არაფხიზელ მდგომარეობაში დაბრუნდა და ამის ამსახველი ფოტოსურათები ინტერნეტ სივრცესა და ბეჭდურ მედიაში გავრცელდა.

წვეულება სწორედ იმავე სასტუროში გაიმართა, სადაც რუნის თანაგუნდელები შოტლანდიისა და ესპანეთის ნაკრებების წინააღმდეგ თამაშის დროს გაჩერდნენ.

უეინი წითელი ღვინისა და ლუდის მიღების შედეგად დათვრა, რის შემდეგაც გამოწვევად იქცეოდა, მაგრამ ეს სულაც არ არის მთავარი მიზეზი იმისა, რომ მას ნაკრებში კაპიტნის სამკლაური შეიძლება ჩამოართვან.

Daily Mirror-ი ინგლისის საფეხბურთო ასოციაციაში მყოფ თავის წყაროზე დაყრდნობით იტყობინება, რომ მთავარი მწვრთნელის მოვალეობის დროებითი შემსრულებელი გარეთ საუთგეითი რუნის მხრიდან არასასურველი ქცევის მოწმე გახდა, რის გამოც მას საკუთარ ნომერში დაბრუნება მოსთხოვა.

რუნი საუთგეითს დაეთანხმა და ისე დაიჭირა თავი, თითქოს დასაძინებლად მიდიოდა. მაგრამ სინამდვილეში იგი ბარში ჩავიდა და დილის ხუთ საათამდე ერთობოდა.





გამომდინარე იქიდან, რომ რუნიმ ყურად არ იღო საუთგეითის მოთხოვნა, რომელიც მომდევნო დღის 2 საათზე აპირებდა ვარჯიშის გამართვას, რუნის კაპიტნის სამკლაური შეიძლება ჩამოართვან.

გარეთ საუთგეითს ამის უფლება შესაძლოა სრულიად მიენიჭოს, თუკი მას ნაკრების მთავარი მწვრთნელის მოვალეობას ჩააბარებენ.

აქვე აღვნიშნავთ, რომ საფეხბურთო ასოციაციამ უკვე მოახდინა რეაგირება ამ სკანდალზე - ნაკრებში "მშრალი კანონი" ამოქმედდა, ხოლო ფეხბურთელებს თავისუფალი საღამოების თავის ნებაზე გატარება აეკრძალად.

წყარო: thesun