"მანჩესტერ იუნაიტედი" პრემიერ ლიგის მორიგი ტურისთვის მზადებას კარინგტონზე კვლავინდებურად აგრძელებს.

გუნდის კაპიტანი უეინ რუნი შესანიშნავ განწყობა იმყოფება იმ სკანდალის შემდეგ, რომელიც მას ინგლისის ნაკრებში ყოფნისას შეემთხვა.

რუნი ერთ-ერთი ვარიანტია "იუნაიტედის" თავდასხმაში იბრაჰიმოვიჩის შესაცვლელად, რომელიც თავის მხრივ დისკვალიფიკაციის გამო ვერ ითამაშებს.



თუმცა, შვედი ვარჯიშზე, რა თქმა უნდა, მივიდა და უკვე მომდევნო მატჩისთვის დაიწყებს მზადებას, რომელსაც "წითლები" ევროპის ლიგის ეგიდით "ფეიენოორდის" წინააღმდეგ გამართავენ.

თანაგუნდელებთან ერთად იმყოფება მოურინიოსთვის არასასურველი ფეხბურთელი, რომელსაც იანვარში გაყიდვას უპირებენ. ბასტიან შვაინშტაიგერი სულ მცირე ხნის წინ შეუერთდა გუნდის ვარჯიშს და იგი დღესაც პარტნიორებთან ერთად იყო.



ანდერ ერერა, რომელმაც ესპანეთის ნაკრებში სადებიუტო მატჩი ჩაატარა, ხუან მატას თანამგზავრი იყო კარინგტონისკენ მიმავალ გზაზე. აქვე შეინიშნებოდნენ ეშლი იანგი და ჯესი ლინგარდიც.

თუმცა უნდა აღინიშნოს, რომ "იუნაიტედს" ერიკ ბაიი, კრის სმოლინგი და ანტონიო ვალენსია დააკლდებიან, ხოლო მარუან ფელაინის მდგომარეობა, რომელმაც ბელგიის ნაკრები ტრავმის გამო დატოვა, ჯერჯერობით უცნობია.

წყარო: M.E.N.