ანდერ ერერა იმ მაისურის შენახვას აპირებს, რომლითაც მან ესპანეთის ნაკრების რიგებში ინგლისის წინააღმდეგ სადებიუტო მატჩი ჩაატარა.

27 წლის ფეხბურთელმა თავისი ქვეყნის ყველა ასაკობრივ ნაკრებში ითამაშა, სამშაბათს გამართული მატჩის 56–ე წუთზე კი მისი დებიუტი შედგა "ელ ფურია როხას" რიგებში, როცა ტიაგო ალკანტარა შეცვალა.

ესპანელები 2–0 მარცხდებოდნენ "უემბლიზე", სადაც მასპინძელთა მხრიდან გოლები ადამ ლალანამ და ჯეიმი ვარდიმ გაიტანეს, თუმცა შეხვედრის მიწურულს იაგო ასპასმა და ისკომ წონასწორობა აღადგინეს.

დრამატულ მატჩში "ქამბექმა" მხოლოდ შემატა ერერას ისედაც ემოციურ მატჩს დამატებითი ემოციები: "უემბლი" საუკეთესო სცენაა დებიუტისთვის. ჩემი ქვეყნის წარმოდგენა ისეთი ამაღელვებელი და საამაყო იყო! მაისურს შევინახავ".

რაც შეეხება ესპანეთის ნაკრების თამაშს, ერერამ განაცხადა: "ამ თამაშისა და "ქამბექისგან" მხოლოდ სიამაყის მიღება შეგვიძლია. ჩვენი საფეხბურთო უნარები და ხასიათი გამოვავლინეთ. მატჩი ძალიან ძლიერად დავასრულეთ და ეს მაკედონიის დამარცხების დაგვირგვინება იყო, დღეს საღამოს ჩვენი მებრძოლი სული გამომავლინეთ.

სულ სხვა გუნდი შემოვიდა, მაგრამ არ დავნებდით და ეს ჩვენი გუნდურობის დასტურია, ეს ჩვენი ჯგუფის ერთიანობას აჩვენებს".

თავის ინსტაგრამ გვერდზე ერერამ მატჩის შემდეგ დაწერა: "ამ საღამოს არასდროს დავივიწყებ".

გარდა ამისა, ერერა ასევე ფიგურირებს დავიდ დე ხეას მიერ ატვირთულ ვიდეოში, რომლის ხილვაც ინსტაგრამ გვერდზე შეგიძლიათ: დე ხეას ვიდეო