უეინ რუნიმ ბოდიში მოიხადა ფოტოსურათის გამო, რომელიც ინგლისის ეროვნულ გაზეთში გავრცელდა.

"მანჩესტერ იუნაიტედის" კაპიტანი The Sun-მა კვირას დილით ადრე "სამ ლომთა" პოლო მაისურში გამოწყობილი შეამჩნია და ოთხშაბათის გამოცემაში დაბეჭდა ფოტოსურათი, რომელიც მის ნასვამ მდგომარეობაში ყოფნას ასახავს.

რუნიმ ინგლისელთა უკანასკნელი მატჩი ესპანეთის წინააღმდეგ მუხლის ტრავმის გამო გამოტოვა, თუმცა პრესაში გავრცელებული ფოტოს საფუძველზე, მიზეზის თაობაზე გულშემატკივრებს ეჭვი უჩნდებათ.



რუნის წარმომადგენელმა განაცხადა: "უეინი მართლაც სწუხს იმის გამო, რომ გულშემატკივრებთან ერთად გადაღებული სურათები დღეს გამოქვეყნდა.

მიუხედავად იმისა, რომ გუნდს გამოსაშვები დღე ჰქონდა, სრულიად აღიარებს მის ადგილას მყოფი ადამიანის ასეთ მდგომარეობაში ამსახველი ფოტოსურათის მიუღებლობას.

დღეს დილით უეინი გარეთ საუთგეითსა და დენ ეშუორტს ესაუბრა და ბოდიში მოუხადა.

მას სურს, თავისი მობოდიშება ყველა იმ ახალგაზრდა გულშემატკივარს გადასცეს, ვინც ეს სურათები ნახა".

წყარო: goal.com