"მანჩესტერ იუნაიტედის" მთავარი მწვრთნელი ჟოზე მოურინიო, იანვარში სატრანსფერო ფანჯრის გახსნის შემდეგ მცველის შეძენას აპირებს.

გამოცემა Sunday Mirror-ი იტყობინება, რომ მას შემდეგ, რაც ჟოზე მოურინიომ კრის სმოლინგის კრიტიკა დაიწყო, "ლივერპული" და "არსენალი" ცდილობენ ინგლისელი მცველის შეძენას.

მოურინიომ "სუონსისთან" მატჩის შემდეგ სმოლინგის შესახებ განაცხადა, რომ მცველს მოედანზე გასვლის სურვილი არ ჰქონდა, რადგანაც მცირე პრობლემა აწუხებდა. მოგვიანებით კი აღმოჩნდა, რომ სმოლინგის პრობლემა არათუ მცირე, არამედ სერიოზული გამოდგა და მას თითი ჰქონდა მოტეხილი.

თუმცა, ესპანური მედია ირწმუნება, რომ მოურინიომ უკვე დაიწყო სმოლინგის შემცვლელის პოვნა.

Marca-ს ცნობით, "იუნაიტედის" მთავარ მწვრთნელს მადრიდის "რეალის" ცენტრალური მცველის, პეპეს გადაბირება სურს, რომელთან ერთად "სანტიაგო ბერნაბეუზე" აქვს ნამუშევარი.

წყარო: M.E.N.