"მანჩესტერ იუნაიტედის" კაპიტანმა პრემიერ ლიგაში გაკეთებული საგოლე გადაცემების რაოდენობით 100-ს მიაღწია, როცა "სუონსისთან" მატჩში ზლატან იბრაჰიმოვიჩს ორი ასისტი გაუკეთა.
უეინ რუნი მხოლოდ მესამე ფეხბურთელია, ვისაც სამნიშნა რიცხვი უწერია საგოლე გადაცემების გრაფაში. იგი ყოფილ თანაგუნდელ რაიან გიგზსა (162) და "ჩელსის" ლეგენდარულ ფეხბურთელ ფრენკ ლამპარდს (102) ჩამორჩება მხოლოდ.
31 წლის ინგლისელისთვის ეს მორიგი მიღწევაა, თუმცა არა უკანასკნელი, რამეთუ ორადორი გოლი აშორებს სერ ბობი ჩარლტონის რეკორდამდე.
რუნის მიღწევის აღსანიშნავად "მანჩესტერ იუნაიტედის" ოფიციალური ვებ-გვერდის რეპორტიორთა გუნდმა ხუთი საუკეთესო პასის ვიდეოკოლაჟი შეადგინეს, რომელიც ხანგრძლივი კამათის შედეგად შემდეგი თანმიმდევრობით დალაგდა.
5) 2005 წელს "ჩარლტონ ატლეტიკთან" მატჩში რუდ ვან ნისტელროისთვის გაკეთებული გადაცემა.
4) 2007 წელს "მიდლსბროსთან" მატჩში კარლოს ტევესისთვის მიწოდებული პასი ქუსლით.
3) 2009 წელს "ტოტენჰემთან" შეხვედრაში კრისტიანუ რონალდუსთვის ჩაწოდებული შესანიშნავი ბურთი.
2) 2013 წელს რობინ ვან პერსისთვის "ასტონ ვილასთან" მატჩში გაკეთებული დაუვიწყარი შორეული პასი.
1) მიმდინარე წელს "ჰალ სიტისთან" გასვლითი შეხვედრის ბოლო წუთებზე გაკეთებული საგოლე გადაცემა.