"მანჩესტერ იუნაიტედის" თავდამსხმელი ზლატან იბრაჰიმოვიჩი მიიჩნევს, რომ ბრაზილიელი რონალდო ფეხბურთის ისტორიაში საუკეთესო მოთამაშე იყო.

"იუნაიტედის" ოფიციალური ჟურნლისთვის ინტერვიუს მიცემისას მან მსოფლიოს ორგზის ჩემპიონზე ისაუბრა და მას ფენომენალური მოთამაშე უწოდა. ასევე განაცხადა, რომ ბავშვობაში რონალდო მისი კუმირი იყო.

ადრე გითქვამთ, რომ რონალდო ყველა დროის საუკეთესო ფეხბურთელია - რატომ ფიქრობთ ასე?

ვფიქრობ, რონალდო ფენომენალური იყო. ისეთი მოთამაშე იყო, რომ რაც არ უნდა ექნა, აღტაცებაში მოგიყვანდა. რთულ რამეს აკეთებდა და მაგიად აქცევდა. ბურთს დაეუფლებოდა და თითქოს ამბობდა: "ახლა მე მივხედავ". ასეთი ფეხბურთელი მანამდე არასდროს გყოლიათ და არც დღეს გყავთ. ის არ არსებობს. პატარაობისას მას ვუყურებდი და ჩემს თავს ვეუბნებოდი: "ზუსტად ასეთი მინდა ვიყო"... მოთამაშე, რომელიც განსხვავებას ქმნის, ასხივებს.

რომელია თქვენი საუკეთესო გოლი?

ადვილი შეკითხვაა, ინგლისის ნაკრების კარში რომ გავიტანე, აი, ეგ.

ისტორიიდან რომელიმე გუნდის რიგებში ერთი თამაშის ჩატარება რომ შეგეძლოთ, რომელს აირჩევდით?

ისედაც ბედნიერი ვარ გუნდებით, რომლებშიც ვითამაშე, რადგან დიდებული სამსახური გამიწიეს.

რომელია საუკეთესო მატჩი, რომელსაც მაყურებლის რანგში უყურეთ?

ფეხბურთს ხშირად არ ვუყურებ, რადგან მე ფეხბურთს ვთამაშობ, მასზე ვლაპარაკობ... ფეხბურთს ყოველდღე ვაწყდები. ცოტა დისტანცია უნდა დაიცვა. ყველაფერი ბალანსირების საკითხია, მაგრამ ერთის არჩევა რომ შემეძლოს, მსოფლიო ჩემპიონატის ფინალს ავირჩევდი საფრანგეთისა და ბრაზილიის ნაკრებებს შორის რომელიც გაიმართა, რადგან იქ რონალდო იყო და ამის გამოტოვება არ შეგიძლია, ზიდანი იყო და არც ამის გამოტოვება შეგიძლია. ასეთ ფეხბურთელებს აუცილებლად უნდა უყურო.

წყარო: manutd.com