გამოცემა The Sun-ი ამტკიცებს, რომ მესუთ ოზილი "არსენალიდან" შესაძლოა, "მანჩესტერ იუნაიტედში" გადავიდეს.
28 წლის გერმანელ ნახევარმცველს ჯერ კიდევ არ გაუფორმებია ახალი კონტრაქტი "მეთოფეებთან", რითაც სარგებლობა ჟოზე მოურინიოს სურს.
გერმანელი ფეხბურთელი და პორტუგალიელი მწვრთნელი ერთად უკვე მუშაობდნენ მადრიდის "რეალში", სადაც 2011/12 წლების სეზონში ესპანეთის ჩემპიონები გახდნენ.
ჯერ კიდევ იმ პერიოდში, მოურინიო მესუთისადმი თავის სიმპათიებს არ მალავდა და ჟურნალისტებს ერთხელ განუცხადა: "ოზილი უნიკალურია. მისი ასლი არ არსებობს; ცუდი ასლიც კი".