11-11-2016, 09:00

ავტორი: RojoDiablo,

ნანახია: 1588,

კომენტარები: 6

პოგბას გოლი საუკეთესოდ დასახელდა

საკლუბო ნომინაციაში ფრანგმა ნახევარმცველმა იმარჯვა.

ევროპა ლიგის ეგიდით "ფენერბაჰჩეს" კარში გატანილი შესანიშნავი გოლით პოლ პოგბა ოქტომბრის თვეში "მანჩესტერ იუნაიტედის" საუკეთესო გოლის ავტორი გახდა.

შეხვედრაში ანგარიშის 11-მეტრიანი დარტყმიდან გახსნის შემდეგ ფრანგმა ჯესი ლინგარდის პასით ისარგებლა და ვოლკან დემირელის კარი მეორედ აიღო.

ამ გოლით მოურინიოს გუნდი 3-0 დაწინაურდა, რასაც მოგვიანებით ლინგარდმა მეოთხე გოლი დაურთო და "ფენერბაჰჩეს" მხრიდან გატანილი ერთადერთი გოლით, რომლის ავტორიც ყოფილი "წითელი ეშმაკი" რობინ ვან პერსი გახლავთ, საბოლოო ანგარიში 4-1 დაფიქსირდა.

პოგბას გოლმა გამოკითხულთა ხმების 51 პროცენტი მიიღო და დანარჩენ კონკურენტებს აჯობა.