სანაკრებო შესვენება "მანჩესტერ იუნაიტედსაც" შეეხო და მისმა 14 ფეხბურთელმა დატოვა გუნდის სავარჯიშო კომპლექსი, რათა თავიანთი ქვეყნების ნაკრებები წარმოადგინონ მსოფლიო ჩემპიონატის შესარჩევ და ამხანაგურ მატჩებში.

არგენტინა (მარკოს როხო, სერხიო რომერო)

მარკოსი და სერხიო არგენტინის ნაკრებში თითქმის შეუცვლელები არიან და როგორც მოსალოდნელია, ბრაზილიის ნაკრების წინააღმდეგ პარასკევს ორივე მათგანი ითამაშებს, მოგვიანებით კი ყოფილ "წითელ ეშმაკს", რადამელ ფალკაოსა და მის კოლუმბიის ნაკრებს დაუპირისპირდებიან მსოფლიო ჩემპიონატის შესარჩევ მატჩებში.

სომხეთი (ჰენრიხ მხითარიანი)

ჰენრიხმა წინა სანაკრებო შესვენება ტრავმის გამო გამოტოვა, მაგრამ ამჯერად სათამაშოდ მზად არის და თავის მშობლიურ ნაკრებს მონტენეგროს წინააღმდეგ დაეხმარება. სომხეთის ნაკრები ამჟამად ჯგუფში ბოლო ადგილზე იმყოფება, ამიტომ კარგი შედეგი მნიშვნელოვანია.

ბელგია (მარუან ფელაინი)

"წითელმა ეშმაკებმა" კარგი სტარტი აიღებს და სამი შესაძლო გამარჯვებიდან სამივე მოიპოვეს. "ევერტონის" ყოფილი მწვრთნელი, რობერტო მარტინესი მარუან ფელაინის თავისი ნაკრების რიგებში უხმობს, რათა ჰოლანდიისა და ესტონეთის ნაკრებთან მატჩში გამოიყენოს.

ინგლისი (ჯესი ლინგარდი, მარკუს რეშფორდი, უეინ რუნი)

მთავარი მწვრთნელის მოვალეობის დროებით შემსრულებელს, გარეთ საუთგეითს ნამდვილად გამოუჩნდება გუნდის დიდი ხნით ჩაბარების შესაძლებლობა, თუკი გუნდი მსოფლიო ჩემპიონატის შესარჩევ მატჩში პარასკევს შოტლანდიის ნაკრებს დაამარცხეს, მომდევნო კვირაში კი ესპანეთთან ამხანაგურ მატჩს სასურველ დონეზე ჩაატარებს. მან გუნდის შემადგენლობა დაასახელა, მაგრამ ტრავმირებული კრის სმოლინგი და ლუკ შოუ მასში ვერ მოხვდნენ.

საფრანგეთი (პოლ პოგბა)

პოგბა "ლეს ბლუს" რიგებში კარგი განწყობით ჩავა "სუონსისთან" გატანილი დიდებული გოლის შემდეგ. თუმცა, მას ვერ შეუერთდებიან თანაგუნდელები ენტონი მარსიალი და მორგან შნეიდერლინი, რადგანაც დიდიე დეშამმა არცერთი მათგანი არ გამოიძახა. პოგბა ასევე ვერ ითამაშებს თავისი თანაგუნდელის, ერიკ ბაიის წინააღმდეგ, რომელიც კოტ დ'ივუარის რიგებში ტრავმის გამო ვერ გაემგზავრა.

იტალია (მატეო დარმიანი)

დარმიანმა დაცვის ორივე ფლანგზე ასპარეზობისას ბოლო დროს "იუნაიტედს" თავისი ფასი უჩვენა. ამ უნივერსალურობის წყალობით დარმიანი იტალიის ნაკრებში მნიშვნელოვანი ფეხბურთელია და "ტორინოს" ყოფილ მოთამაშეს იმედი აქვს, რომ ლიხტენშტეინთან გასვლით მატჩს G ჯგუფში წარმატებით ჩაატარებს, რასაც შემდეგ ამხანაგური საშინაო შეხვედრა დაერთვება გერმანიასთან.

ესპანეთი (დავიდ დე ხეა, ანდერ ერერა, ხუან მატა)

ეს პირველი შემთხვევაა, როცა სამივე ესპანელი ამიგო ნაკრებში ერთდროულად გამოიძახეს. ბასკი ჯერ კიდევ ელის სადებიუტო მატჩის ჩატარებას და ეს შესაძლოა "უემბლიზე" მოხდეს, სადაც მისი გუნდი სამშაბათს ინგლისს დაუპირისპირდება, თუკი, რა თქმა უნდა, მანამდე შაბათს საღამოს მაკედონიასთან შეხვედრაში არ ითამაშა.

"იუნაიტედის" პირველი გუნდის მოთამაშეების სანაკრებო მატჩების განრიგი

ოთხშაბათი, 9 ნოემბერი
ჰოლანდია v ბელგია 23:45

პარასკევი, 11 ნოემბერი
ბრაზილია v Argentina 03:45

პარასკევი, 11 ნოემბერი
სომხეთი v მონტენეგრო 21:00
ინგლისი v შოტლანდია 23:45
საფრანგეთი v შვედეთი 23:45

შაბათი, 12 ნოემერი
ლიხტენშტეინი v იტალია 23:45
ესპანეთი v მაკედონია 23:45

კვირა, 13 ნოემბერი
ლუქსემბურგი v ჰოლანდია 21:00
ბელგია v ესტონეთი 23:45

სამშაბათი, 15 ნოემბერი
იტალია v გერმანია 23:45
ინგლისი v ესპანეთი 23:59
საფრანგეთი v კოტ დ'ივუარი 23:59

ოთხშაბათი, 16 ნოემბერი
არგენტინა v კოლუმბია 03:30

ყველა დრო მითითებულია თბილისის დროით

წყარო: manutd.com