ფილ ჯონსმა "მანჩესტერ იუნაიტედის" ნახევარმცველი პოლ პოგბა შეაქო და მსოფლიო კლასის ფეხბურთელი უწოდა.

"სუონსი სიტისთან" პრემიერ ლიგის ბოლო ტურის მატჩში პოგბამ 25 იარდიდან დარტმული ბურთი გაიტანა, რითაც ანგარიში გახსნა და მოგვიანებით მატჩის საუკეთესო ფეხბურთელის წოდება დაიმსახურა.

ჯონსი - რომელიც ხანგრძლივი ტრავმის შემდეგ სწორედ "ლიბერთი სტედიუმზე" დაუბრუნდა გუნდს - აღნიშნავს, რომ გაოცებული იყო კრიტიკით, რომელსაც პოგბას მისამართით ისმენდა.

"გაზეთებში ამას ხანდახან ისევ ვხვდები; პოგბა ის, პოგბა ეს. ეს ბიჭი დაუჯერებელი ფეხბურთელია, მსოფლიო კლასი!

თავის დასამკვიდრებლად დრო სჭირდება, საბაზრო ფასი მისი ბრალი არ არის, საოცარი მოთამაშე და დიდებული ადამიანია. ამ სეზონში მისგან უფრო მეტს ვნახავთ, დარწმუნებული ვარ," - განაცხადა ინგლისელმა მცველმა.

წყარო: manutd.com