"სუონსი სიტისთან" მატჩში მიღებული სეზონის მეხუთე ყვითელი ბარათის გამო ზლატან იბრაჰიმოვიჩმა "მანჩესტერ იუნაიტედის" გულშემატკივრებს ბოდიში მოუხადა.

შვედი ფორვარდი, რომელიც "წითლების" საუკეთესო ბომბარდირია მიმდინარე სეზონში, "არსენალთან" საშინაო შეხვედრას დისკვალიფიკაციის გამო გამოტოვებს.

პირველი ყვითელი ბარათის მანჩესტერულ დერბიში მიღების შემდეგ ჩატარებულ 5 მატჩში ზლატანმა კიდევ სამი გაფრთხილება მიიღო, ხოლო მეხუთე და უკანასკნელი მათგანი "ლიბერთი სტედიუმზე" ნილ სუორბრიკმა უჩვენა, რაც იმას ნიშნავს, რომ "მეთოფეებთან" მატჩში იბრაჰიმოვიჩი არ იქნება.

"იცით რა? ყოველთვის, როცა ჩემი თამაშის თამაშს ვცდილობ სიძლიერით და ორთაბრძოლებში შესვლით, თუ რაც არის, ყვითელ ბარათს ვიღებ. არ ვიცი მსაჯმა რამ ამიხსნა, რადგან ძალიან დაღლილი ვიყავი და მისი არ მესმოდა.

ეს არის ის, რაც არის. ინგლისში ფეხბურთელი რთული, ფიზიკურია. უბრალოდ უნდა შევეგუო. მე პროფესიონალი ვარ. ბოდიშს ვიხდი, რომ მომდევნო მატჩში დისკვალიფიცირებული ვარ. ვისურვებდი, რომ სხვაგვარად ყოფილიყო, რადგან ამ თამაშში ძალიან მინდა მონაწილეობა. მაგრამ ჩემს თანაგუნდელებსა და გუნდს ვენდობი და ვიცი, რომ უჩემოდაც კარგად გაართმევენ თავს", - განაცხადა შვედმა.



წყარო: manutd.com