"ლოს-ანჯელეს გელექსი" ზლატან იბრაჰიმოვიჩს "მანჩესტერ იუნაიტედის" დატოვებას და თავის რიგებში გადაბარგებას სთავაზობს.
MLS-ის კლუბს მიაჩნია, რომ 35 წლის ფორვარდი მომდევნო ზაფხულში კონტრაქტის ამოწურვის შემდეგ კლუბის გამოცვლაზე თანახმა იქნება.
"გელექსი" ასაკოვანი ფეხბურთელების შეძენისგან თავს იკავებს, მაგრამ იბრაჰიმოვიჩი გამონაკლისი იქნება, რადგან მისი ვარსკვლავური სტატუსი მისდამი ყურადღებას გამოიწვევს.
ამერიკული კლუბი ასევე უეინ რუნითაც ინტერესდება, მაგრამ "იუნაიტედის" ორივე ფორვარდის შეძენას არ აპირებს. ინგლისელის ნაცვლად "გელექსი" იბრაჰიმოვიჩის შეძენას უფრო ეცდება, თუმცა შვედს სხვა გამოსავალიც აქვს.
"იუნაიტედმა" შესაძლოა, მას ახალი 1-წლიანი კონტრაქტი შესთავაზოს, მაგრამ ეს სათუო საკითხია.