ხუან მატა ოქტომბრის თვეში "მანჩესტერ იუნაიტედის" თვის საუკეთესო ფეხბურთელად დასახელდა და მან თავისი უახლოესი მეგობარი ანდერ ერერა დაამარცხა.

კლუბის ოფიციალურ ვებ-გვერდსა და თვითერ ექაუნთზე ჩატარებულ გამოკითხვაში 90 ათასზე მეტმა ადამიანმა მიიღო მონაწილეობა, რომელთა ხმების 44 პროცენტი მატამ მიიღო, ხოლო 43 ერერამ.

შედეგების დათვლის შემდეგ შეგვიძლია დავადასტუროთ, რომ მატამ მხოლოდ 198 ხმით მეტი მიიღო.

მესამე ნომინანტმა, ანტონიო ვალენსიამ კი ხმების 13 პროცენტი დაისაკუთრა.

მატა მესამე ფეხბურთელი გახდა მიმდინარე სეზონში, რომელსაც აღნიშნული ჯილდო ერგო. პირველი და მეორე ასეთები ერიკ ბაიი და მარკუს რეშფორდი გახლავთ, რომლებიც აგვისტოსა და სექტემბერში გახდნენ ჯილდოს მფლობელები შესაბამისად.

ეს უკვე მეხუთე შემთხვევაა, როცა 28 წლის ესპანელი "იუნაიტედის" თვის საუკეთესო ფეხბურთელი ხდება. ბოლოს ასეთი შემთხვევა 2015 წლის სექტემბერში დაფიქსირდა.