ჟოზე მოურინიოს პრესკონფერენცია "ფენერბაჰჩესთან" მატჩის წინ.
FA-ს ბრალდება?
მოურინიო ურეაქციოდ პასუხობს
რა შეიძლოდა ყოფილიყო "ფეიენოორდთან" დამარცხების შემდეგ
"ამას მომდევნო ორი მატჩის მოგებით ვუპასუხეთ და ჯგუფში უკვე კარგ მდგომარეობაში ვიმყოფებით, მაგრამ მომდევნო ორი მატციც რომ ვერ მოგვეგო "ფეიენოორდთან" წაგების შემდეგ, არცერთი ქულა არ გვექნებოდა, დიდ პრობლემაში აღმოვჩნდებოდით და ხვალ ჩვენი ბოლო შანსისთვის ვითამაშებდით."
მოურინიო ფილ ჯონსის შესახებ საუბრობს
"თითქმის აღარც კი მახსოვს, ბოლოს როდის ჩაატარა მან ზედიზედ რამდენიმე მატჩი. ტრავმებთან ცუდი ურთიერთობა აქვს, მაგრამ გამოჯანმრთელებისთვის ბევრი იშრომა - უკვე ერთ კვირაზე მეტია გუნდთან ერთად ვარჯიშობს. ერთ კვირაში სამი მცველი დავკარგეთ, ამიტომაც რთულ ვითარებაში ვართ".
სასარგებლო შეხედულება
"აზრი შევიცვალე, რადგან ევროპის ლიგის წესებიც შეიცვალა - გამარჯვებულს ჩემპიონთა ლიგის პირდაპირი საგზური ეძლევა. ბოლო რამდენიმე წლის განმავლობაში ევროპის ლიგას დიდი კლუბებისთვის სხვა მნიშვნელობა მიენიჭა. ჩემპიონთა ლიგაზე მოხვედრის დამატებითი საშუალებაა".
"ფენერბაჰჩეს" შესახებ
"არ ვფიქრობ, რომ "ფენერბაჰჩემ" ცუდად ითამაშა. ერთ საათზე მეტი ხნის განმავლობაში მჭიდროდ მოქმედებდნენ და თამაში ადვილი სულაც არ იყო. პირველი ტაიმის ბოლო პერიოდი კარგად ვითამაშეთ, ამიტომაც წარმატებას მივაღწიეთ. მცირე მომენტი გვქონდა, როცა ორი გოლი გავიტანეთ რამდენიმე წუთში და მერე თამაში შეიცვალა.
ის ფაქტი, რომ "ფენერბაჰჩეს" გამარჯვებების სერია აქვს, გასაკვირი არ არის. თურქეთის ჩემპიონატში ასეთი რამ ნორმალურია. სტამბოლში ზოგიერთი კლუბი ჩამოდის და ტოპ-პოზიციისთვის იბრძვის, თუმცა ტრადიციულად აქ სამი კლუბია ყველაზე ძლიერი.
ძალიან კარგი ფეხბურთელები და დიკ ადვოკატის სახით ძალიან გამოცდილი მწვრთნელი ჰყავთ. მის გუნდში უდიდესი გამოცდილების ფეხბურთელები თამაშობენ, რომელთან საერთაშორისო ტურნირებზე უასპარეზიათ. ჩვეულებრივია, რომ "ფენერბაჰჩე" პოზიციას იღდგენს თურქეთის ლიგაში და პირველ ორ გუნდს უახლოვდება".
მოურინიო ბედნიერია "ბარნლისთან" ნაჩვენები თამაშით
"რაც მაბედნიერებს, თამაშია. ხანდახან მატჩებს იგებ, მაგრამ გრძნობ, რომ მალე ამას ვეღარ შეძლებ, რადგან გუნდი ცუდად თამაშობს. მეორე შემთხვევაში კი კარგ შედეგს ვერ აღწევ, მაგრამ გუნდის თამაშიდან გამომდინარე ხედავ, რომ კარგი შედეგი ადრე თუ გვიან მოვა.
ფეხბურთელების მიმართ ძალიან კარგი გრძნობები მაქვს. "ჩელსისთან" ცუდი შედეგის ქონის შემდეგ გუნდმა დაუჯერებელი რეაქცია გამოავლინა. ბოლო მატჩში, რომელიც, ჩემი აზრით, რაღაც განსაკუთრებულია, გუნდის მცდელობის დადასტურების კარგი მაგალითია".
მოურინიო დარმიანს აქებს
"ვალენსიას ხელის მოტეხილობა აქვს და მნიშვნელოვანი ოპერაცია გაიკეთა. ცოტა ხანს იუქმებს, მაგრამ უფრო მთავარი ის არის, რომ მაშინაც კი, როცა ანტონიო კარგად თამაშობდა, ჩვენ დარმიანს ვამზადებდით და ის მატჩებს ატარებდა. "ფეიენოორდთან", "ზარიასთან" და "ფენერბაჰჩესთან" ითამაშა. სათამაშო წუთები ჰქონდა. როცა პრემიერ ლიგაში დაგვჭირდა მისი გამოყენება, სათანადოდ გაუმკლავდა დავალენას - "ბარნლისთან" მართლაც კარგად ითამაშა. ხვალ სათამაშოდ მზად არის და ორივე ტურნირზე მარჯვენა ფლანგზე კარგად იშრომებს".
შვაინშტაიგერის შესახებ
"შვაინშტაიგერი დაბრუნდა. ეს გადაწყვეტილება გასულ ხუთშაბათს მივიღეთ. წინა პარასკევს დავურეკეთ, ასე რომ, გუნდში დაბრუნება ორშაბათს მოახერხა. ეს გადაწყვეტილება იმ ფაქტზე დაფუძნებით მივიღეთ, რომ სეზონის ყველაზე რთულ პერიოდში ვიმყოფებით.
პრობლემა ის არის, რომ ჩემი ტაქტიკური სამუშაო 21 მოთამაშეზეა გათვლილი და გუნდში 23/24 ფეხბურთელი ვერ მეყოლება. ბასტიანისა და ფიტნეს მწვრთნელთან მისი პროფესიონალური შრომის შემხედვარემ, გადავწყვიტეთ, რომ გუნდში მისი დაბრუნება პროფესიონალური გადაწყვეტილება იქნებოდა.
იმ შემთხვევისთვის, თუკი კლუბს დატოვებს, უკეთესად მომზადებულები, უკეთეს მდგომარეობაში მყოფები ვიქნებით. ამჟამად ნახევარდაცვაში კი არა, დაცვაში გვაქვს პრობლემები. ნახევარდაცვაშიც თუ გვექნება პრობლემები, მისი სახით ერთ-ერთი გამოსავალი გვექნება. ეს ერთ-ერთი პოზიტიური გადაწყვეტილებაა ჯგუფისთვის."
სამომავლო გეგმები
"პირველად "პორტუს" დატოვება რომ მთხოვეს, 2002/03 წლებში თურქულ კლუბში მიმიწვიეს, მაგრამ ეს არ მოხდა. მას შემდეგ ფეხბურთში 13-14 წელი გავატარე, მაგრამ ეს მაინც არ მოხდა.
ახლა იქ ვარ, სად ყოფნაც მინდა - რათა ბედნიერი ვიყო. როგორც მინიმუმ, აქ ჩემი კონტრაქტის ამოწურვამდე ვისურვებდი დარჩენას. ამის შემდეგ კი, ვინ იცის? მე ფეხბურთის კაცი ვარ, ძალიან ახალგაზრდა.
საფეხბურთო ვნება მიყვარს, თურქეთში კი უდიდესი ვნებაა ამ თამაშისადმი, ასე რომ, რატომაც არა?"