უეინ რუნი "იუნაიტედში" გადასვლამდე მერსესაიდულ "ევერტონში" ირიცხებოდა, რომელიც 2004 წელს დატოვა. მას შემდეგ, ინგლისელმა წითელი მაისურით 532 მატჩი ჩაატარა და 246 გოლი გაიტანა.

აღსანიშნავია ის ფაქტიც, რომ მიმდინარე სეზონში რუნიმ დაკარგა ლიდერის თვისებები და შესაძლოა, მას ახალი გუნდის ძიება მოუწიოს.

მედია 31 წლის ფეხბურთელის მომავალს მის ყოფილ გუნდს, "ევერტონს" უკავშირებს, ხოლო მოურინიო ამბობს, რომ ინგლისელი ვეტერანი მის გეგმებში შედის.

კუმანმა ამასთან დაკავშირებით კომენტარი გააკეთა: "რუნი დიდი ფეხბურთელია, რომლის კარიერა ჯერ არ დასრულებულა და დიდი ალბათობით, დიდი ხანი არ დასრულდება".

"მე არ ვიცი, როგორი სიტუაცია აქვს მას "იუნაიტედში", მაგრამ თუ ჩვენ შანსი გვექნება, რომ ინგლისელი "ევერტონში" დაბრუნდეს, ამ შანსს არ გავუშვებთ. რუნის დაბრუნებით აღფრთოვანებული ვიქნები" - დაასრულა ექს-საუთჰემპტონელმა.

პრემიერ ლიგის მიმდინარე სეზონში რუნის ანგარიშზე 8 მატჩიდან 1 გოლი და 2 საგოლე პასია აქტივში.

წყარო: Football.Ua