როგორც გახსოვთ, FIFA-ს ოქროს ბურთის დაჯილდოებაზე "პრემიერ ლიგის" ვერცერთი ფეხბურთელი ვერ მოხვდა. მათთვის ადგილი ვერც UEFA.com-ის სიმბოლურ ნაკრებში ვერ მოიძებნა. UEFA-ს საუკეთესო გუნდს ირჩევდნენ UEFA.com-ის მომხმარებლები. წელს მათი სარეკორდო რაოდენობა, 5,3 მილიონი დაფიქსირდა. არჩეულ გუნში უპირატესობა ისევ "ლა ლიგას" აქვს, რომლიდანაც საუკეთესო თერთმეტეულში 8 ფეხბურთელი მოხვდა.
FIFA-ს გუნდისგან განსხვავებით, გუნდში რამდენიმე ფეხბურთელი მოხვდა ესპანეთის გარედან: ტიაგო სილვა "პსჟ"-დან, ასევე ფილიპ ლამი "ბაიერნ მიუნხენიდან" და "იუვენტუსელი" ანდრეა პირლო. "პრემიერ ლიგა" ითვლება საუკეთესო შიდა ლიგად მსოფლიოში, სადაც რამდენიმე ძალიან ნიჭიერი ფეხბურთელი თამაშობს, გარდა ამისა "ჩემპიონთა ლიგის" თასი ინგლისურმა გუნდმა ასწია. "ევრო 2012"-ის ტრიუმფის შემდეგ არაა გასაკვირი, რომ ნაკრებში 5 ესპანელი მოხვდა, მაგრამ ისევ არცერთი ადგილი არ აღმოჩნდა "პრემიერ ლიგის" ვარსკვლავებისთვის. ხმების უმეტესობა მიიღო ანდრეს ინიესტამ (350 411) ლიონელ მესისთან ერთად (312 756). კრისტიანო რონალდომ მიიღო 252 241 ხმა, ხოლო ვეტერანმა იტალიელმა ანდრეა პირლომ 224 013. მცველებს შორის ყველაზე პოპულარული იყო სერხიო რამოსი 292 770 ხმით და ტიაგო სილვა 184 414 ხმით.