"ბარნლი"

"მანჩესტერ იუნაიტედმა" პრემიერ ლიგის ბოლო 6 მატჩიდან მხოლოდ 1 მოიგო - 1 მოგება, 2 ფრე, 3 წაგება.

ამჟამად "იუნაიტედის" აქტივში 9 მატჩში დაგროვილი 14 ქულაა. ამაზე ცუდი სტარტი გუნდს ისტორიაში ერთადერთხელ ჰქონდა 2014/2015 წლების სეზონში (13 ქულა).

"ოლდ ტრაფორდზე" პრემიერ ლიგის ეგიდით ჩატარებული ბოლო 12 მატჩიდან "მანჩესტერ იუნაიტედმა" მხოლოდ 1 წააგო: +9=2-1 და მათში 23 გოლი გაიტანა, 8 კი გაუშვა.

ჟოზე მოურინიომ პრემიერ ლიგის ბოლო 27 მატჩიდან 13 წააგო (+9=5-13), ხოლო მანამდე განცდილი 13 მარცხი 119 მატჩზე მოდის.

"იუნაიტედისთვის" "ბარნლის" დამარცხება პრემიერ ლიგის ახალწვეულზე მოპოვებული მე-100 გამარჯვება იქნება. ამჟამად ეს სტატისტიკა ამგვარია: 143 მატჩი, +99=30-14

"ბარნლი"

პრემიერ ლიგის გასულ ტურში "ევერტონის" დამარცხება "ბარნლისთვის" მე-3 გამარჯვება გამოდგა მიმდინარე სეზონში ჩატარებულ 9 მატჩში. ბოლოს, როცა ისინი პრემიერ ლიგაში 2014/15 წლების სეზონში თამაშობდნენ, პირველ 10 ტურში არცერთი გამარჯვება არ მოუპოვებიათ.

"ბარნლი" პრემიერ ლიგის იმ რამდენიმე კლუბს შორისაა, რომელსაც მიმდინარე სეზონში გასვლაზე გამარჯვება არ მოუპოვებია. "ბორდოველებმა" მეტოქის მოედანზე ჩატარებული სამივე მატჩი წააგეს, თითოეულ მათგანში 3 გოლი გაუშვეს და მხოლოდ ერთხელ გაიტანეს გოლი.

"ბარნლი" საშუალოდ 2-ჯერ ურტყამს კარში თითოეულ შეხვედრაში, რაც ჩემპიონატში ყველაზე ცუდი მაჩვენებელია. გასვლაზე ჩატარებულ 3 შეხვედრაში მათ მხოლოდ 3-ჯერ დაარტყეს კარში.








წამყვანი ბომბარდირები: იბრაჰიმოვიჩი - 6 გოლი (4 ლიგაში).

უეინ რუნიმ "ოლდ ტრაფორდზე" პრემიერ ლიგის მატჩებში 100 გოლი გაიტანა. ერთადერთი ფეხბურთელი, რომელმაც ერთ სტადიონზე გატანილი გოლების რაოდენობით 100-ს გადააჭარბა, "არსენალის" ყოფილი მოთამაშე ტიერი ანრია, რომელმაც "ჰაიბერიზე" 114 გოლის გატანა მოახერხა.

"მანჩესტერ იუნაიტედის" კაპიტან უეინ რუნის კიდევ 3 გოლის გატანა სჭირდება იმისათვის, რომ სერ ბობი ჩარლტონთან ერთად კლუბის ყველა დროის საუკეთესო ბომბარდირის წოდება გაიყოს.

ზლატან იბრაჰიმოვიჩი ჩემპიონატში უკვე 5 მატჩია ვერ ახერხებს გოლის გატანას. უფრო ხანგრძლივი უგოლო სერია მას მხოლოდ 2007 წელს "მილანში" ჰქონდა - 6 თამაში.

კრის სმოლინგმა კლუბის შემადგენლობაში თავისი ერთადერთი დუბლი სწორედ "ბარნლისა" და "იუნაიტედის" მატჩში შეასრულა, როცა მისმა გუნდმა 2015 წელს 3-1 მოიგო.

"ბარნლი"

წამყვანი ბომბარდირები: ბოქსი - 3 გოლი (სამივე ლიგაში).

თუ მოედანზე ტომ ჰიტონი და მაიკლ კინი გავლენ, თავიანთი ყოფილი კლუბის წინააღმდეგ ითამაშებენ.

სემ ბოქსმა პრემიერ ლიგის ბოლო 2 მატჩში გაიტანა გოლი, თუმცა მანამდე ჩატარებულ 33 შეხვედრაში მხოლოდ ერთხელ გამოიჩინა თავი.

ურთიერთშეხვედრები

გუნდები ერთმანეთს ყველა ტურნირზე 122-ჯერ შეხვდნენ. "იუნაიტედმა" გამარჯვება 58 შეხვედრაში იზეიმა, "ბარნლიმ" 44-ში, ხოლო 20 მატჩი ფრედ დასრულდა.

"მანჩესტერ იუნაიტედის" წინააღმდეგ ჩატარებულ უკანასკნელ 21 შეხვედრაში "ბარნლიმ" მხოლოდ 1 მოიგო - 1 მოგება, 8 ფრე, 12 მარცხი.

"ოლდ ტრაფორდზე" "ბორდოელებმა" უკანასკნელად 1962 წლის 22 სექტემბერს 2-5 იმარჯვეს, მას შემდეგ "იუნაიტედი" "ბარნლისთან" 12 საშინაო მატჩის განმავლობაში არ მარცხდება - 8 მოგება, 4 ფრე.

"ბარნლიმ" "იუნაიტედის" წინააღმდეგ "ტურფ მურზე" ჩატარებული პირველი შეხვედრა მოიგო, მაგრამ მას შემდეგ სამი მატჩის განმავლობაში არ გაუმარჯვია - 1 ფრე, 2 წაგება.

"წითელ ეშმაკებს" "ბარნლის" წინააღმდეგ უკანასკნელ 33 შეხვედრაში მინიმუმ 1 გოლი გაჰქონდათ, რაც 1921 წლის 26 დეკემბრიდან იღებს სათავეს. ეს მაღალი დივიზიონის გუნდების წინააღმდეგ ყველაზე ხანგრძლივი საშინაო საგოლე სეირაა.

სახლში და გასვლაზე

ლიგა: "იუნაიტედი" - 49 მოგება, "ბარნლი" - 40 მოგება, ფრე - 17.
პრემიერ-ლიგა: "იუნაიტედი" - 2 მოგება, "ბარნლი" - 1 მოგება, ფრე - 1.

"იუნაიტედის" სტადიონზე

ლიგა: "იუნაიტედი" - 32 მოგება, "ბარნლი" - 13 მოგება, ფრე - 8.
პრემიერ-ლიგა: "იუნაიტედი" - 2 მოგება, "ბარნლი" - 0 მოგება, ფრე - 0.

უკანასკნელი შეხვედრა "ოლდ ტრაფორდზე"

თარიღი: 11 თებერვალი, 2015 წელი
მსაჯი: კევინ ფრენდი
გოლები "იუნაიტედის" რიგებში: სმოლინგი 6', 45'. ვან პერსი 82' (პენალტი)
გოლი "ბარნლის" რიგებში: ინგზი 12'







მატჩში დაფიქსირებული სტატისტიკური მონაცემები





მთავარმა მსაჯმა, მარკ კლატენბურგმა მიმდინარე სეზონში ყველა ტურნირზე 8 მატჩში იმსაჯა და 34 ყვითელი ბარათი აჩვენა.

გვერდითი მსაჯები: ჯერ კოლინი, რიჩარდ უესტი
სათადარიგო მსაჯი: კევინ ფრენდი