FA-მ "მანჩესტერ იუნაიტედის" მთავარ მწვრთნელ ჟოზე მოურინიოს ბრალი დასდო "ლივერპულთან" მისი გუნდის დაპირისპირების მთავარი მსაჯის მისამართით გაკეთებული კომენტარის უმართებულობაში.
გასულ კვირაში "წითელმა ეშმაკებმა" "ენფილდზე" 1 ქულა მოიპოვეს მასპინძელი გუნდის წინააღმდეგ მატჩში, რომლის წინაც ჟურნალისტებმა პორტუგალიელ სპეციალისტს ჰკითხეს, თუ რას ფიქრობდა შეხვედრის მთავარ არბიტრად მანჩესტერელის დანიშვნის თაობაზე.
პასუხის გაცემისას მოურინიომ ნათლად განაცხადა, რომ მისთვის გაუგებარია, თუ რატომ დააყენა ასოციაციამ მსაჯი დამატებითი ზეწოლის წინაშე ჯერ კიდევ მატჩის დაწყების წინ.
მალე კი FA-მ მოურინიოს განმარტება მოსთხოვა, რადგანაც მატჩის წინ ფეხბურთელებისა თუ მწვრთნელის მხრიდან მსაჯის თაობაზე კომენტარების გაკეთება წესებით იკრძალება.
ამჟამად მოურინიოს ბრალდება აქვს წაყენებული, რომელზე პასუხიც 31 ოქტომბრის საღამომდე უნდა გასცეს.
აქვე უნდა აღვნიშნოთ, რომ ენტონი ტეილორმა, "ლივერპულისა" და "მანჩესტერ იუნაიტედის" შეხვედრის მთავარმა არბიტრმა სამუშაოს შესანიშნავად გაართვა თავი და ორივე გუნდის მწვრთნელების ქება დაიმსახურა. ოთხივე ყვითელი ბარათი კი, რომელიც მან ფეხბურთელებს უჩვენა, "იუნაიტედის" ფეხბურთელებზე მოდის.
ახალი ამბები
9 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.