"მანჩესტერ სიტის" ფეხბურთელი ილქაი გიუნდოგანი თვლის, რომ დღევანდელი დაპირისპირება ერთგვარი ძალზედ დაძაბული სპექტაკლი იქნება.
პრემიერ ლიგის ლიდერებს ზედიზედ 5 მატჩია ყველა ტურნირზე გამარჯვება არ უზეიმიათ, ხოლო რაც შეეხება მოურინიოს ბიჭებს, მათ საკმაოდ სუსტი შეხვედრა ჩაატარეს ამ სათამაშო კვირას "ჩელსისთან", რომელიც საბოლოოდ ანგარიშით 4:0 დასრულდა.
"მათი დამარცხება სასიხარულო ფაქტორია, მაგრამ აღსანიშნავია ის ფაქტიც, რომ ჩვენ ბოლო 5 მატჩია ვერ ვიგებთ და ეს გამარჯვება სტიმული იქნება ჩვენთვის".
"რა თქმა უნდა, გვსურს მოვიგოთ მატჩი. ეს თამაში განსაკუთრებული იქნება, რადგან ერთმანეთს ხვდებიან გუნდები, რომლებსაც ძალზედ სწყურიათ გამარჯვება".
"პლიუს ამას ჩვენ ვართ ამ თასის მფლობელები და ვალდებულნი ვართ, დავიცვათ ის, მაგრამ ეს ყველაფერი ძალიან რთული იქნება" - აცხადებს გერმანელი.
გიუნდოგანმა წინა დაპირისპირება გამოტოვა, როცა გვარდიოლამ მოურინიოს 2:1 სძლია. იმ მატჩში ილქაის ფეხის ტრავმა ჰქონდა.
"ვფიქრობ, რომ დიდი მატჩი გველის. ეს არის თასის დაპირისპირება, შესაბამისად განსაკუთრებული მატჩია, რომელიც აუცილებლად მოსაგებია, მაგრამ ფაქტია, რომ თუ გვინდა გამარჯვება, უნდა გავერთიანდეთ და როგორც ფანებს, ისე ჩვენს ქალაქს დიდი წარმატება მოვუტანოთ" - დაასრულა "მანჩესტერ სიტის" ნახევარმცველმა.