დღეს "ოლდ ტრაფორდი" ინგლისის თასის მე-4 რაუნდის მატჩს უმასპინძლებს. "წითელი ეშმაკების" მეტოქე თანაქალაქელი "სიტი" იქნება, რომელმაც მიმდინარე სეზონში მოურინიოს გუნდის დამარცხება ამავე სტადიონზე მოახერხა.
შეხვედრას ცნობილი ინგლისელი არბიტრი, მაიკ დინი განსჯის. სათადარიგო არბიტრები საიმონ ლონგი და იან ჰასინი იქნებიან. ხოლო სათადარიგო არბიტრის ფუნქციას ლი მეისონი შეითავსებს.
48 წლის არბიტრმა ბოლოს ამ გუნდების დაპირისპირებაში 2013 წელს იმსაჯა, რომელიც "ოლდ ტრაფორდზე" შედგა. შეხვედრა "სიტის" გამარჯვებიით, ანგარიშით 1-2 დასრულდა. გოლები აგუეროსა და მილნერის ანგარიშზეა.
მაიკ დინის მიმდინარე სეზონის სტატისტიკა
მიმდინარე სეზონში მაიკ დინმა 8 შეხვედრაში იმსაჯა და ფეხბურთელებს 34 ყვითელი და 1 წითელ ბარატი უჩვენა. წითელი ბარათი "ტოტენჰემთან" შეხვედრაში, "სანდერლენდში" განათხოვრებულმა ადნან იანუზამ დაიმსახურა. აღსანიშნავია, რომ ინგლისელმა არბიტრმა მიმდინარე სეზონში 6 თერთმეტმეტრიანი დანიშნა.
ახალი ამბები
8 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.