"ჩელსის" გულშემატკივრებმა ჟოზე მოურინიოს სპეციალური ადგილი გამოუყვეს იმ შემთხვევისთვის, თუკი მისი ფეხბურთელები კვირას "სტემფორდ ბრიჯზე" მწვრთნელის დავალებით ე.წ. "ავტობუსით" თამაშს დააპირებდნენ... რაც არ გამოუვიდათ, როგორც ვნახეთ.
მოურინიოს უნარი, რომლის დახმარებითაც დიდი გუნდების წინააღმდეგ წარმატებას აღწევდა და რომელსაც "ავტობუსის პარკირებას" უწოდებენ, სწორედ "ჩელსიში" ჩამოუყალიბდა.
მოსალოდნელი იყო, რომ "წითელი ეშმაკები" იმავე ტაქტიკას მიმართავდნენ, რაც "ლივერპულთან" გამოიყენეს, რათა დიეგო კოშტა, ედენ აზარი და მათი თანაგუნდელები შეეჩერებინათ.
შესაძლოა, მოურინიოს ეს ბანერი არც შეუნიშნავს, რისი ფიქრის მიზეზსაც "სტემფორდ ბრიჯზე" დაფიქსირებული ანგარიში 4:0 გვაძლევს.