Sky Sports-ის ექსპერტი და "მანჩესტერ იუნაიტედის" ყოფილი მცველი გარი ნევილი ფიქრობს, რომ "ჩელსისთან" განადგურება რამდენიმე ფეხბურთელის კარიერას "ოლდ ტრაფორდზე" დაღს დაასვამს.
წარმატებული საზაფხულო სატრანსფერო ფანჯრის შემდეგ მოურინიო ჯერ კიდევ აგრძელებს სხვადასხვა პოზიციაზე იდეალური პარტნიორების მოძებნას, განსაკუთრებით ნახევარდაცვაში.
ნევილს მიაჩნია, რომ მოურინიო ცერემონიულობას არ დაიწყებს და თავიდან მოსაშორებ ფეხბურთელს აუცილებლად გაყიდის.
"ვფიქრობ, მომდევნო ექვსი თვის განმავლობაში კლუბს ავტობუსი ჩამოუვლის, რადგან ის დაცვაში ასეთ თამაშს ვერ შეეგუება. ჟოზესგან უკვე გვინახავს, როგორც მიუთითა ფეხბურთელებს კარისკენ.
უნდა ვთქვა, როცა "იუნაიტედს" ვუყურებ, მათ უძლიერეს შემადგენლობას ჯერ კიდევ ვერ ვპოულობ. მოურინიო პირველ ნაბიჯებს დგამს თავისი საუკეთესო ფეხბურთელების, საუკეთესო სასტარტო შემადგენლობისა და საუკეთესო პარტნიორების მოძებნაში.
სიმართლე ვთქვათ, "იუნაიტედი" მას უნდა ენდოს და მომდევნო ორ სატრანსფერო ფანჯარაზე სწორი გადაწყვეტილებების მიღება დაანებოს, იმიტომ, რომ მათ ნახევარდაცვაში უკვე პოგბა, შნეიდერლინი და ფელაინი ჰყავთ. ბოლო სამ წელიწადში 170 მილიონი ფუნტი დაიხარჯა ცენტრალურ ნახევარმცველებზე, ჩვენ კი ჯერ კიდევ ვერ გვიპოვნია საუკეთესო წყვილი. მოურინიომ საუკეთესო შერწყმა უნდა იპოვოს, ან ისინი შეცვალოს.
"იუნაიტედს" ბევრი სამუშაო აქვს, მაგრამ ვარ რა "იუნაიტედის" ქომაგი, ვღელავ. მეგონა, რომ სეზონის სტარტზე უკეთესად ითამაშებდნენ. შესაძლოა, ველოდი, რომ მოურინიო დიდ ეფექტს მოახდენდა, მაგრამ დღეს მეგონა, რომ ეს გუნდი ჟოზე მოურინიოს საერთოდ არ ეკუთვნის.
მათთან უნდა წაიმუშაოს, უკეთესად თამაში უნდა აიძულოს. შემადგენლობას მომდევნო სამ თვეში ვერ შეცვლის, თუმცა იანვარშიც რთული იქნება ამის გაკეთება", - განაცხადა ნევილმა ეთერში.