"მანჩესტერ იუნაიტედის" თავკაცმა ჟოზე მოურინიომ განაცხადა, რომ უეინ რუნი "ჩელსისთან" მატჩის განაცხადში ტრავმის გამო ვერ მოხვდა, რომელიც "ფენერბაჰჩესთან" მატჩის მიწურულს მიიღო.

კვირას "იუნაიტედი" "ჩელსის" ეწვია, სადაც სამარცხვინო მარცხი განიცადა. "წითლები" ლონდონში კაპიტნის გარეშე გაემგზავრნენ, რაც მოულოდნელი იყო, მაგრამ მატჩის შემდეგ პორტუგალიელმა მწვრთნელმა ახსნა, რომ ამის მიზეზი არა რუნის სათამაშო ფორმა, არამედ მისი ტრავმა იყო, რომლის შესახებაც ინგლისელმა სამწვრთნელო შტაბს არაფერი უთხრა.

"უეინმა ტრავმა მიიღო. ბოლო ვარჯიშზე დაშავდა. "ფენერბაჰჩესთან" მატჩში აღმოაჩნდა პრობლემები, მაგრამ ისე ძლიერ სურდა 90 წუთის განმავლობაში თამაში, რომ ეს ფაქტი დაგვიმალა, ვარჯიშზე კი გართულება შეეტყო და ამიტომ ვერ წამოვიდა", - აცხადებს მოურინიო.