ჟოზე მოურინიო შიშობს, რომ ერიკ ბაიიმ "ჩელსისთან" მატჩში სერიოზული დაზიანება მიიღო.
კოტ დ'ივუარელ ფეხბურთელს მატჩის მიმდინარეობისას პრობლემა აღმოაჩნდა და 52-ე წუთზე იგი მარკოს როხომ შეცვალა.
შეხვედრის დასრულების შემდეგ "წითლების" ბოსმა დაადასტურა, რომ ბაიის მუხლის ტრავმა აქვს.
"მას ტრავმა აქვს და ვშიშობ, რომ ცუდი ტრავმა. მუხლის არეში მიიღო დაზიანება. თავს საშინლად გრძნობს", - განაცხადა მოურინიომ.
დაზიანება აღენიშნება მარუან ფელაინისაც, რომელიც დავიდ ლუიზთან ორთაბრძოლისას დაშავდა. შეხვედრის მეორე ნახევარში ნახევარმცველი მოედანზე არ დაბრუნებულა და იგი ხუან მატამ შეცვალა.
მატჩი გამოტოვა უეინ რუნიმ, რომელმაც "წითლების" ბოლო ვარჯიშზე მიიღო ტრავმა. კლუბის კაპიტანი გარკვეულ პრობლემებს "ფენერბაჰჩესთან" მატჩშის მიწურულსაც გრძნობდა.