"ჩელსისთან" მატჩისთვის "იუნაიტედის" სრული შემადგენლობა ცნობილია.
დღეს "მანჩესტერ იუნაიტედი" ლონდონის "ჩელსის" ესტუმრება. ჟოზე მოურინიომ 21-კაციანი განაცხადი შეარჩია, რომლებიც დღევანდელ მატჩში მიიღებენ მონაწილეობას.
გუნდთან ერთად უეინ რუნი და ჰენრიხ მხითარიანი არ იმყოფებიან. როგორც ცნობილია, მხითარიანი უკვე მწყობრშია, თუმცა მოურინიო მას სათამაშო დროს ჯერ კიდევ არ აძლევს.
მანჩესტერელთა კაპიტანმა "ფენერბაჰჩესთან" მატჩი სასტარტო შემადგენლობაში დაიწყო, თუმცა დღეს იგი გუნდს ვერ დაეხმარება. გავრცელდა ინფორმაცია, რომ რუნიმ ვარჯიშზე დაზიანება მიიღო, კაპიტანს კუნთის ტრავმა აწუხებს.
მატჩს ასევე მემფის დეპაი და ტიმოთი ფოსუ-მენსაც გამოტოვებენ. გასულ მატჩში მოურინიო ერერას, ვალენნსიასა და იანგის ტრიო დაასვენა. სამივე ფეხბურთელი დღეს ლონდონში იმყოფება.
"მანჩესტერ იუნაიტედის" სრული განაცხადი: დე ხეა, რომერო, ჯონსტოუნი, დარმიანი, ვალენსია, სმოლინგი, ბაიი, ბლინდი, შოუ, როხო, ერერა, კერიკი, შნეიდერლინი, ფელაინი, პოგბა, ლინგარდი, მატა, იანგი, რეშფორდი, იბრაჰიმოვიჩი, მარსიალი.