23 ოქტომბერს, პრემიერ ლიგის მე-9 ტურის მატჩში ლოდონის "ჩელსი" "მანჩესტერ იუნაიტედს" უმასპინძლებს. შეხვედრას ცნობილი ინგლისელი არბიტრი, მარტინ ატკინსონი განსჯის.

გუნდების ბოლო შეხვედრა "სტემფორდ ბრიჯზე", რომელიც 2015 წლის 28 დეკემბერს შედგა, სწორედ ინგლისელმა განსაჯა, სადაც 6 ფეხბურთელს ყვითელი ბარათი უჩვენა.

45 წლის არბიტრმა მიმდინარე სეზონში 9 მატჩში იმსაჯა, სადაც ფეხბურთელებს 30 ყვითელი და 1 წითელი ბარათი უჩვენა. პრემიერ ლიგის მიმდინარე სეზონში ატკინსონის ანგარიშზე 7 მატჩი, 22 ყვითელი და 1 წითელია. მიმდინარე სეზონში, ერთადერთი მატჩი, სადაც ატკინსონს არც ერთი ფეხბურთელი გაუფრთხილებია, "ევერტონი" - "ტოტენჰემის" დაპირისპირება გახლავთ, რომელიც 13 აგვისტოს გაიმართა.

ინგლისელმა არბიტრტმა კარიერის მანძილზე 552 მატჩი გასაჯა. მის ანგარიშზე 1842 ყვითელი ბარათი, 49 წითელი და 129 თერთმეტმეტრიანია.