ჟოზე მოურინიომ "ფენერბახჩესთან" მატჩის შემდეგ დუბლის ავტორზე, პოლ პოგბაზე ისაუბრა. ჟოზეს თქმით, პოგბა "ოლდ ტრაფორდზე" ფენომენალური იყო და ადაპტაციისთვის მას დრო ჯერ კიდევ წინ აქვს.
ფრანგმა ფეხბურთელმა "ლივერპულთან" არასახარბიელო შეხვედრა ჩაატარა, სადაც პორტუგალიელმა მწვრთნელმა იბრაჰიმოვიჩის უკან გაამწესა. გუშინ კი, მაიკლ კერიკთან შეწყვილებულმა პოგბამ, დუბლის შესრულება და შესანიშნავი მატჩის ჩატარება შეძლო.

"ორი დღის წინ ის პრემიერ ლიგის ყველაზე საშინელი ფეხბურთელი იყო, ახლა კი ფენომენალურია. მას დრო სჭირდება. იტალიაში მიმუშავია, მესმის იტალიური ფეხბურთის, მოთამაშეთა ხასიათის. ოთხი-ხუთი წელიწადი სერია ა-ში ყოფნა და შემდეგ პრემიერ ლიგაში დაბრუნება მარტივი არ არის, ტოპ მოთამაშეებსაც კი დრო სჭირდებათ.

მოხარული ვარ გუნდის თამაშის ხარისხით, პოგბამაც სწორედ ის მოგვცა, რაც გვჭირდებოდა. მაიკლ კერიკმა ბალანსი და დინამიურობა მოგვცა, მის წინ მყოფმა ოთხმა ფეხბურთელმა კი ეს იდეალურად გამოიყენა.

პირველი პენალტი პოლის იყო, მან რუნისგან ნებართვა აიღო. ეს გადაწყვეტილება მართებული აღმოჩნდა, თუმცა გამეორება აღარ გვინდოდა, რადგან მეორე პენალტი სულ რამდენიმე წუთში დაინიშნა და მარსიალმა საკუთარი მოპოვებული შესაძლებლობა გამოიყენა. ფეხბურთელებს ყოველთვის ვაძლევ თავისუფლებას, თავად აარჩიონ, ვინ დაარტყამს პენალტს." - განაცხადა მოურინიომ მატჩის შემდეგ.

წყარო: Manchester Evening News