დღეს ევროპის ლიგის მე-3 ტურის შეხვედრაში "მანჩესტერ იუნაიტედმა" "ფენერბაჰჩეს" უმასპინძლა და მეტოქე 4-1 გაანადგურა.

მასპინძლებმა 31-ე და 34-ე წუთებზე ორი თერთმეტმეტრიანის დარტყის უფლება მოიპოვეს. პოგბამ და მარსიალმა თავისი შანსები გამოიყენეს და გუნდი 2 ბურთით წინ გაიყვანეს. ტაიმის ბოლო წუთზე პოლ პოგბამ ულამაზესი გოლით დუბლის შესრულება მოახერხა.

მეორე ტაიმის დასაწყისში თავისი გოლი ლინგარდმაც გაიტანა და ანგარიში გამანადგურებელი გახადა. თურქებმა პერსის წყალობით პრესტიჟის გოლის გატანა მოახერხეს. აღსანიშნავია, რომ "იუნაიტედის" ყოფილი ფეხბურთელის გოლს პუბლიკა ტაშით შეხვდა.