როგორც ცნობილი ბრიტანული გამოცემა, Daily Mail-ი წერს, კატალონიის "ბარსელონას" "მანჩესტერ იუნაიტედის" ამომავალი ვარსკვლავის, ანხელ გომესის ხელში ჩაგდება სურს.
16 წლის შემტევს კლუბთან მოქმედი კონტრაქტი 2018 წლამდე აკავშირებს. ინგლისის ახალგაზრდულ ნაკრებში თამაშითა და აკადემიაში მიღწეული შედეგებით ახალგაზრდა ფეხბურთელმა "ბარსელონას" სკაუტების ყურადღება მიიპყრო.
ანხელ გომესი "იუნაიტედის" 18-წლამდელთა გუნდში ჯერ კიდევ მაშინ გამოჩნდა, როცა ის 14 წლის იყო. 16 წლის ტალანტი გუნდს 13 წლის ასაკში შეუერთდა. მიმდინარე სეზონში გომესის ანგარიშზე 9 მატჩი, 5 გოლი და 5 საგოლე გადაცემაა.
აღსანიშნავია, რომ ანხელ გომესის მამა პორტუგალიის 21-წლამდელთა ნაკრებში ლუიშ ფიგუსა და რუი კოშტასთან ერთად ასპარეზობდა.
ანხელ გომესის გოლი ბრაზილიის კარში
ახალი ამბები
10 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.