ევროპის ლიგის მე-3 ტურის მატჩისთვის ჟოზე მოურინიომ 18-კაციანი განაცხადი შეარჩია, რომლებიც დღეს მანჩესტერში სასტურმო "ლოურიში" დაბინავდნენ.

გუნდთან ერთად ენტონი მარსიალიც იმყოფება, რომელსაც "ლივერპულთან" მატჩში მონაწილეობა უნდა მიეღო, თუმცა ვარჯიშზე მიღებულმა ტრავმამ მოურინიო იძულებული გახადა ფრანგი განაცხადში არ შეეყვანა. მისი ადგილი ეშლი იანგმა დაიკავა, რომელმაც პრემიერ ლიგის მატჩის სასტარტო შემადგენლობაში იანვრის შემდეგ პირველად ითამაშა. "იუნაიტედის" ბოლო გატანილი გოლი სოწრედ 20 წლის ფრანგის ანგარიშზეა.

აღსანიშნავია, რომ ანდერ ერერა, ანტონიო ვალენსია და ეშლი იანგი გუნდთან ერთად არ იმყოფებიან, გუნდთან ერთად ასევე არ გამოჩენილან პოლ პოგბა და მორგან შნეიდერლინიც.

"მანჩესტერ იუნაიტედის" სრული განაცხადი: დე ხეა, რომერო, ჯონსტოუნი, ფოსუ-მენსა, დარმიანი, სმოლინგი, ბაიი, როხო, შოუ, ფელაინი, კერიკი, მატა, ლინგარდი, დეპაი, იბრაჰიმოვიჩი, რუნი, მარსიალი, რეშფორდი.