20 ოქტომბერს ევროპის ლიგის მე-3 ტურის შეხვედრაში "მანჩესტერ იუნაიტედი" "ფენერბაჰჩეს" უმასპინძლებს. აღსანიშნავია, რომ "წითელი ეშმაკების" ყოფილი ფორვარდი, რობინ ვან პერსი სწორედ თურქული კლუბის ღირსებას იცავს.
ჰოლანდიელმა "იუნაიტედის" მაისურით 105 მატჩი ჩაატარა და 58 გოლის გატანაც მოახერხა. პრემიერ ლიგის 2012/13 წლის სეზონის გამარჯვებული და ბომბარდირი "ოცნებების თეატრში" კვლავ ითამაშებს, ამჯერად სხვა კლუბის ფორმით.
"ჩემთვის ეს განსაკუთრებული შემთხვევა და თამაშია. ვიცი, რომ "იუნაიტედს" ჩემპიონთა ლიგაზე ყოფნა სურს, მაგრამ ეს არის დღევანდელი დღის მოცემულობა და პირადად ჩემთვის ევროპის ლიგაზე ყოფნა და ამ ჯგუფში თამაში განსაკუთრებული გრძნობაა"
"ყოფილი კლუბის წინააღმდეგ ბოლო შეხვედრა "ფეიენოორდის" წინააღმდეგ მქონდა, რომელიც ჩემი ერთ-ერთი პირველი გუნდია, შემდეგი "იუნაიტედი" იქნება. ამ მომენტს მოუთმენლად ველი."
" ჩვენთვის ეს რთული მატჩი იქნება, "იუნაიტედი", რა თქმა უნდა, ფავორიტია, თუმცა არასდროს იცი რა მოხდება." - განაცხადა ვან პერსიმ.
ახალი ამბები, ვიდეოები
10 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.