დღეს პრემიერ ლიგის მე-8 ტურის ცენტრალური შეხვედრა "ენფილდზე" გაიმართა, სადაც ადგილობრივმა "ლივერპულმა" "მანჩესტერ იუნაიტედი" მიიღო. შეხვედრამ მოლოდინი ვერ გაამართლა და ფრედ, 0-0 დასრულდა.
მატჩის საუკეთესო ფეხბურთელად ანდერ ერერა დასახელდა, რომელმაც შეხვედრაში 11 ჩაჭრა განახორციელა, რაც პრემიერ ლიგის მიმდინარე სეზონში საუკეთესო მაჩვენებელია.
"პირველ ტაიმში უკეთესები ვიყავით, მათ კი მეორე ნახევარში გვაჯობეს. ფრე სამართლიანი შედეგია"
"ჩვენ შეგვიძლია ვიამაყოთ, რადგან თითოეულმა ფეხბურთელმა ყველაფერი გააკეთა და ბოლომდე დაიხარჯა. ამიტომ ძალიან გახარებულები ვართ" - განაცხადა ბასკმა
აღსანიშნავია, რომ შეხვედრაში "მანჩესტერ იუნაიტედს" ბურთის ფლობის პროცენტული მაჩვენებელი 35% ჰქონდა, რაც 2003/04 წლის სეზონის შემდეგ ყველაზე ცუდი შედეგია.