"მანჩესტერ იუნაიტედის" ახალგაზრდა მეკარემ, სემ ჯონსტოუნმა კლუბთან კონტრაქტი 2018 წლის ივნისამდე გაახანგრძლივა. ჯონსტოუნი "იუნაიტედის" აკადემიის აღზრდილია, ის გუნდს 10 წლის ასაკში შეუერთდა და უკვე 13 წელია კლუბის მაისურით ასპარეზობს.

მოურინიომ ახალგაზრდა მეკარის შესახებ ისაუბრა: "სემი შესანიშნავი პოტენციალის მქონე მეკარეა. ახალგაზრდა პროფესიონალი, რომლის დამოკიდებულება თამაშის მიმართ მშვენიერია. ამ კლუბში გატარებული ჩემი მცირე დროის მანძილზე, მან დიდი პროგრესი განიცადა. მოხარული ვარ, რომ მან საკუთარი მომავალი "მანჩესტერ იუნაიტედთან" დააკავშირა"

მიმდინარე სეზონში ჯონსტოუნი სათადარგოთა სკამზე ორჯერ ვიხილეთ. ევროპის ლიგისა და ინგლისის თასის შეხვედრებში ის რომეროს შემცვლელი გახლდათ. 23 წლის მეკარემ "იუნაიტედში" ასპარეზობის მანძილზე 6 კლუბში იქნა განათხოვრებული.