"მანჩესტერ იუნაიტედი" "ლივერპულს" პრემიერ ლიგის ეგიდით "ენფილდზე" საღამოს საათებში მხოლოდ ორჯერ დაუპირისპირდა და ორივე მატჩი სანახაობრივი ფრით დასრულდა.

1994 წელს კლასიკური მატჩი ჩატარდა, რომელშიც ექვსი გოლი გავიდა. "წითელი ეშმაკები" სამბურთიანი სხვაობით დაწინაურდნენ ერიკ კანტონას შესანიშნავი ჩაწოდების შემდეგ სტივ ბრიუსის მიერ გატანილი თავური გოლით, რაიან გიგზის მიერ მეკარე ბრიუს გრობელაარის თავზე გადაგდებული ბურთით და დენის ირვინის შესანიშნავი საჯარიმო დარტყმით.

თუმცა, გრემ სუნესის გუნდმა ნაიჯელ კლაფის დუბლითა ნეილ რადოკის გოლებით წონასწორობა აღადგინა. ბოლო სიტყვა მაინც "იუნაიტედმა" თქვა კლუბის არსებობის ისტორიაში პირველი "დუბლის" გაკეთებით, როცა მერსეისადიული მხარე მერვე ადგილს დასჯერდა.

მეორე ბრწყინვალე მატჩი 1999 წელს ჩატარდა, რომელშიც დუაით იორკმა როი კინისა და დევიდ ბექჰემის შესანიშნავი მოქმედება გოლით დააგვირგვინა. დენის ირვინმა ბრედ ფრიდელის კარი 11-მეტრიანი დარტყმით აიღო და ანგარიში 2-0 გახდა, მას შემდეგ, რაც ჯეიმი კარაგერმა საჯარიმოში იესპერ ბლომქვისტსზე უხეშად ითამაშა, მაგრამ "ლივერპულმა" კვლავ გაათანაბრა ანგარიში.

კარაგერის მსგავსად საჯარიმოში წესების დარღვევით ითამაშა თავად ბლომქვისტმა ოივინდ ლეონჰარდსენის წინააღმდეგ. მოგვიანებით კი მსაჯმა დევიდ ელერეიმ მას მეორე ყვითელი ბარათი უჩვენა და მოედნიდან გააძევა. რიცხობრივი უპირატესობით "ლივერპულმა" მატჩის მიწურულს ისარგებლა და პოლ ინსმა ანგარიში 2-2 გახადა. ალექს ფერგიუსონის გუნდმა კი იმ წელს ტრებლი მოიგო.



წყარო: manutd.com