ჟოზე მოურინიომ "მანჩესტერ იუნაიტედის" ოფიციალურ ტელევიზიას განუცხადა, რომ ლუკ შოუ და ჰენრიხ მხითარიანი "ლივერპულთან" მატჩში სათამაშოდ მზად არიან.

შოუს 18 სექტემბერს "უოტფორდთან" წაგებული მატჩის შემდეგ არ უთამაშია, რამაც მარკოს როხოსა და დეილი ბლინდს მარცხენა ფლანგზე ასპარეზობის საშუალება მისცა.

მხითარიანი კი ბოლო 10 სექტემბერს, მანჩესტერულ დერბიში გამოჩნდა, მაგრამ სომხეთის 6-გზის საუკეთესო ფეხბურთელი უკვე მზად არის მერსეისაიდში სათამაშოდ. გასულ სეზონში "ენფილდზე" მან "ლივერპულს" ევროპის ლიგის მატჩში დორტმუნდის "ბორუსიას" რიგებში ასპარეზობისას გაუტანა გოლი.

პარასკევს მიცემული ინტერვიუს დროს მოურინიომ განაცხადა, რომ ორივე აღნიშნული ფეხბურთელი მზადაა მომდევნო მატჩში მონაწილეობის მისაღებად.

მწვრთნელმა განსაკუთრებულად გამოყო ნაკრებებში ჯესი ლინგარდისა და ანდერ ერერას გამოჩენა.

"მომწონს, რომ ჩემი ფეხბურთელები სანაკრებო მატჩებში მონაწილეობენ. ამით ყოველთვის ვამაყობ. განსაკუთრებით კი იმ ორით, ვინც აღნიშნეთ. ერთ-ერთი დებიუტანტი იყო, მეორე კი ესპანურ გუნდში მიწვეული. მათთვის მნიშვნელოვანია, ჩემთვის კი კარგი და ვფიქრობ, რომ კლუბმაც უნდა იამაყოს", - განაცხადა მოურინიომ.

წყარო: manutd.com