ორშაბათს "ენფილდზე" მიმდინარე სეზონის ერთ-ერთი ყველაზე ემოციური და მნიშვნელოვანი შეხვედრა გაიმართება, "ლივერპულსა" და "მანჩესტერ იუნატედს" შორის.

პოლ მერსონის თქმით, მის გუნდში ჯორდან ჰენდერსონს უფრო ისურვებდა, ვიდრე "იუნაიტედის" ახალწვეულს, პოლ პოგბას. "ლივერპულის" კაპიტანმა არაჩვეულებრივი სტარტი აიღო პრემიერ ლიგაში: მიიღო თვის საუკეთესო გოლის წოდება და ეროვნული ნაკრები კაპიტნის სამკლაურით გაიყვანა სლოვენიის წინააღმდეგ მსოფლიო ჩემპიონატის შესარჩევ ეტაპზე.

ამასობაში, პოგბა, რომელიც რეკორდული თანხით დაბრუნდა "ოლდ ტრაფორდზე" (93,25 მილიონი ფუტი) ვერ ამართლებს მოლოდინს. მერსონი, რომელიც "ლივერპულის" გამარჯვებას წინასწარმეტყველებს (3-1), გამოტყდა, რომ იმედგაცრუებულია პოლის თამაშით და მის გუნდში ჰენდერსონის ხილვას ისურვებდა.

როდესაც მას კითხვა დაუსვეს, თუ ვის აირჩებდა უპასუხა: "დღეს, უდავოდ ჯორდან ჰენდერსონს. მომავალში არ ვიცი, ალბათ ეს პოგბა იქნება, იმის გათვალისწინებით, თუ რაოდენ დიდი თანხაა მასში გადახდილი. მაგრამ დღეს, ჰენდერსონი ერთ-ერთი საუკეთესოა მიმდინარე სეზონში. ჯორდანმა უკვე დაამტკიცა, რომ იგი გუნდის ლიდერია, ხოლო პოგბა ჯერ კიდევ პროცესშია."

უეინ რუნიმ რთული რამდენიმე კვირა გადაიტანა, როგორც კლუბში, ასევე ეროვნულ ნარებშიც, რადგან ადგილი დაკარგა ძირითად შემადგენლობაში.

რუნი ძირითად თერთმეტეულში არ მომხდარა "უოტფორდთან" მარცხის შემდეგ, მაგრამ მერსონი თვლის, რომ ორშაბათს უეინი ძირითადში უნდა გამოვიდეს, რადგან პოგბას დატვირთვა მოეხსნას.

"რუნის შემადგენლობაში ჩავსვამდი", - ამბობს მერსონი. "ჯესი ლინგარდმა ორი შევედრა ჩაატარა ნაკრების რიგებში - რის გამოც იგი ფიზიკურად არ იქნება მზად ორშაბათისთვის. იგი ჯერ ახალგაზრდაა. თუ რუნის ვთამაშებთ პირველივე წუთიდან, მაშინ პოგბაზე ზეწოლაც მოიხსნება.

თუ რუნი სათადარიგოზეა, მაშინ ყურადღება პოგბაზეა. ის თანხა, რაც მასშია გადახდილი, მას ჯერ არ აუნაზღაურებია. იგი არ არის ჩვეულ ფორმაში, ეს აშკარაა. თუ "იუნაიტედი" დამარცხდება, ფრანგ ფეხბურთელს დიდი კრიტიკა დაატყდება თავს".

"მანჩესტერ იუნაიტედმა" სეზონი სამი გამარჯვებით დაიწყო, სანამ არ დამარცხდა "მანჩესტერ სიტისთან" და "უოტფორდთან".

ამჟამად, ისინი მე-6 ადგილზე იმყოფებიან "პრემიერლიგის" ცხრილში შვიდი მატჩის შემდეგ, რის გამოც მერსონი უკმაყოფილებას გამოატავს მოურინიოს მიმართ.

"მე მას შევაფასებდი 5/10 -ეს ჯერჯერობით. გასულ კვირას, ჟოზემ აღნიშნა, რომ მისმა გუნდმა არაჩვეულებრივი მატჩი ჩაატარა "სტოკის" წინააღმდეგ, მაგრამ ეს მხოლოდ ერთი თამაში იყო. მათ იმ თამაშში 7-0 უნდა მოეგოთ, მაგრამ გატანილი გოლის შემდეგ, გუნდს სურვილი დაეკარგა მეტი გაეტანათ, ან ისინი დაიღალნენ. ისინი არ იყვნენ კარგები. მე დღემდე ვფიქრობ, რომ მაურინიომ არ იცის, თუ როგორი უნდა იყოს მისი საუკთესო გუნდი."

წყარო: SkySports