საფეხბურთო კლუბებმა, "ლივერპულმა" და "მანჩესტერ იუნაიტედმა" გულშემატკივრებს მოუწოდეს, დახმარება გაეწიათ 17 ოქტომბერს "ენფილდზე" გასამართი შეხვედრის მსვლელობისას ნებისმიერი დისკრიმინაციული და თავდასხმითი ქმედებების თავის არიდებაში.

კლუბები ერთად მოქმედებას აგრძელებენ და პატივს სცემენ ისტორიულ დაპირისპირებას, მაგრამ ხელს არ შეუწყობენ არავითარ თავდასხმით და დისკრიმინაციულ ქმედებას.

განცხადებაში ნათქვამია: "ორივე კლუბი, მათი მხარდამჭერები და ფეხბურთის გულშემატკივრები მოუთმენლად ელიან ამ ისტორიულ და ამაღელვებელ მატჩს სპორტის ისტორიაში ყველაზე დიდი და უძველესი დაპირისპირების მქონე გუნდებს შორის.

ჩვენს გულშემატკივრებს შორის ეს დიდი დაპირისპირებაა და ყველა მხარდამჭერს ვთხოვთ, გამოიჩინონ პატივისცემა და თავიდან აირიდონ თავდასხმითი თუ დისკრიმინაციული ქმედებები მატჩის დროს.

იმ შემთხვევაში, თუ რომელიმე გულშემატკივარს სტიუარდები თავდასხმის ან დისკრიმინაციული ქმედების გამოვლენის ნებისმიერ ფორმას აღმოუჩენენ, ისინი გაძევებულნი იქნებიან სტადიონიდან, ან დააპატიმრებენ და აღარ დაიშვებიან სტადიონზე.

პრემიერ ლიგის კალენდარში ეს შეუდარებელი მატჩია და ყველა გულშემატკივარს მადლობას ვუხდით უწყვეტი მხარდაჭერისთვის თამაშის ასეთ მნიშვნელოვან ნაწილში".

მასპინძელი სამაუწყებლო კომპანიის მიხედვით, "ლივერპულსა" და "მანჩესტერ იუნაიტედს" შორის მატჩები ყველაზე ყურებადია მსოფლიო ფეხბურთის ისტორიაში და მას 200 ქვეყანაში 700 მილიონი ადამიანი მიადევნებს თვალს.

წყარო: manutd.com