"მანჩესტერ იუნაიტედი" აქტიურადაა დაინტერესებული ესპანელი ნახეავრმცველით, ისკო ალკარონით, რომელიც "რეალის" საკუთრებაა. საქმე იმაშია, რომ "რეალის" ფრანგი დამრიგებელი, ზინედინ ზიდანი არ ენდობა ისკოს და ესპანელი "სამეფო კლუბში" სათამაშო დროის სიმცირეს განიცდის. 24 წლის ნახევარმცველი უმეტეს წილად სათაგარიგოთა სკამიდან ერთვება თამაშში, მან წლევანდელ ლა ლიგის სეზონში, მხოლოდ ერთი თამაში დაიწყო სასტარტო შემადგენლობაში.
ფეხბურთელი ასეთი როლით უკმაყოფილოა, "იუნაიტედი" კი, შექმნილ სიტუაციას აქტიურად აკვირდება და შესაძლებლობის შემთხვევაში, მზადაა ესპანელი შეიძინოს. ისკო "მალაგას" აღზრდილია, "რეალს" კი ესპანელი სწორედ მშობლიური კლუბიდან შეუერთდა 2013 წელს.
"თუ ყველაფერი ასე გაგრძელდა და სიტუაცია არ შეიცვალა, სეზონის დასრულების შემდეგ, მე დავტოვებ ჩემს ამჟამინდელ კლუბს, უკვე 24 წლის ვარ და ჩემი განვითარებისთვის სათამაშო დრო მჭირდება." - განაცხადა ისკომ.