"მანჩესტერ იუნაიტედის" რიგითი გულშემატკივარი, ბენ ჰიბსი "ლივერპულის" კარში ჯონ ოშის ბოლო წუთზე გატანილ გოლს იხსენებს:
"დაძაბულობა ყოველთვის მატულობს, როდესაც "იუნაიტედი" "ენფილდს" სტუმრობს. ყოველთვის გაკანკალებს სტენლის პარკის გავლისას, სანამ მას ბოლომდე გაივლი და სტადიონზე შეხვალ. აქ ყოველთვის უკეთესად ვგრძნობ თავს, რადგან გარშემო ძალიან ბევრი "წითელი" მიდგას. 2007 წლის მარტში კი ეს დაძაბულობა გაორმაგებული იყო: "იუნაიტედს" პრემიერ ლიგის ტიტული უკვე 4 წლის განვმალობაში არ ჰქონდა მოგებული, როდესაც "ჩელსიმ" ბოლო 2 სეზონში ზედიზედ მოიგო ეს ჩემპიონატი. სერ ალექსის ბიჭები ლიდერობდნენ. "ლურჯები" ჩვენ 9 ქულით ჩამოგვრჩებოდნენ, მაგრამ ერთი თამაშით ნაკლები ჰქონდათ ჩატარებული. "ლივერპულს", რომელიც მესამე პოზიციას იკავებდა, 19 ქულით ვასწრებდით. მახსოვს რამდენიმე განსაკუთრებული ფაქტი ამ თამაშის შესახებ: ეს იყო ხისტი, დაძაბული და გახსნილი მატჩი. როდესაც პოლ სქოულზი მოედნიდან გააძევეს(86-ე წუთზე), მეგონა, რომ ყველაფერი დასრულდა. ქულის წამოღება "ენფილდიდან" არ იქნებოდა ცუდი, მაგრამ "წითლებმა" მარცხენა ფლანგიდან საჯარიმოს დარტყის უფლება მოიპოვეს, საჯარიმოსთან საკმაოდ ახლოს. რაიან გიგზი და კრიშტიანუ რონალდუ მსჯელობდნენ, თუ რა გაეკეთებინათ. რუნიმ დაიწყო მოძრაობა, საამ დაარტყა, რეინამ მოიგერია. ბურთი ოშის მიუვიდა, რომელმაც მაღლა დაარტყა. უცბად ყველაფერი აფეთქდა ჩემს ცხოვრებაში. ფეხბურთში ასეთი რამ ხშირად არ ხდება. დასრულდა ჩემი ნერვიულობა. ჩვენი სექტორი ხმაურობდა. ბოლო წუთზე ყველაფერი შევცვალეთ, უკეთესი რამ არ შეიძლებოდა მომხდარიყო. ყველამ იცოდა, რომ ტიტული ჩვენი იყო. "მოურინიო, გესმის? უბრალოდ ტიტული კარგად შეინახე!" დიახ, მაისში მის წასაღებად დავბრუნდით."
ვიდეოები
9 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.