"მანჩესტერ იუნაიტედის" მთავარ მწვრთნელ ჟოზე მოურინიოს იმედი აქვს, რომ საერთაშორისო მატჩებში მოასპარეზე ყველა ფეხბურთელი შეძლებს სავარჯიშო კომპლექსში დაბრუნებას, რათა "ლივერპულთან" მატჩისთვის მოემზადოს.

"წითლებს" ამჯერად უფრო მეტი დრო აქვთ სანაკრებო პაუზიდან საკლუბო მატჩისთვის მომზადებისათვის, რაც სერხიო რომეროს, მარკოს როხოსა და ანტონიო ვალენსიას სამხრეთ ამერიკაში ჩატარებული შეხვედრების შემდეგ ფორმის აღდგენაში უნდა დაეხმაროს, განრიგის მიხედვით მოურინიოს გუნდს ექვს დღეში სამი შეხვედრის ჩატარება მოუწევს.

ჰენრიხ მხითარიანმა სომხეთის ნაკრებში ტრავმის გამო ვერ ითამაშა, ხოლო ლუკ შოუ გარეთ საუთგეითმა არ გამოიძახა, რადგანაც მისი თქმით, ახალგაზრდა ინგლისელი ფორმაში არ იმყოფება.

ფილ ჯონსი კვლავ ტრავმირებულია, მაგრამ მარუან ფელაინი "ენფილდზე" თამაშს შეძლებს, რადგანაც გიბრალტართან შეხვედრა არა ტრავმის, არამედ გაფრთხილებების რაოდენობის გამო გამოტოვა.

მასპინძელთა რიგებში საეჭვოა ადამ ლალანასა და ჟორჟინიო ვიინალდუმის გამოჩენა, თუმცა ემრე ჯანი მუხლის ტრავმის მორჩენის შემდეგ მატჩში მონაწილეობას შეძლებს. ფიზიკური შესაძლებლობები დასამტკიცებელი ექნებათ დეიან ლოვრენსა და ნათანიელ კლაინსაც.

წყარო: manutd.com